ലിറ്റിൽ ഫ്ലവർ കോളേജിന് അഭിമാനമായി റഫീദ; മലയാള സാഹിത്യത്തിൽ ഡോക്ടറേറ്റ്

എരമംഗലം: കാലിക്കറ്റ്‌ സർവകലാശാലയിൽ നിന്നും മലയാള സാഹിത്യത്തിൽ പി.എച്ച്ഡി. കരസ്ഥമാക്കി എരമംഗലം താഴത്തേൽപ്പടി സ്വദേശിനി റഫീദ ഇ. ഗുരുവായൂർ ലിറ്റിൽ ഫ്ളവർ കോളേജിലെ മലയാള വിഭാഗം മേധാവി ഡോ. ഷൈജി സി. മുരിങ്ങാത്തേരിയുടെ മാർഗനിർദേശത്തിലായിരുന്നു റഫീദ ഗവേഷണം പൂർത്തിയാക്കിയത്.

ഈ നേട്ടത്തിന് മറ്റൊരു പ്രത്യേകത കൂടിയുണ്ട്. ലിറ്റിൽ ഫ്ലവർ കോളേജിൽ നിന്നും പി.എച്ച്ഡി. നേടുന്ന ആദ്യ ഗവേഷക എന്ന ബഹുമതിയും ഇനി റഫീദയ്ക്ക് സ്വന്തം. തന്റെ ബിരുദ, ബിരുദാനന്തര പഠനങ്ങളും ഇതേ കലാലയത്തിൽ തന്നെയാണ് റഫീദ പൂർത്തിയാക്കിയത് എന്നത് ഈ വിജയത്തിന്റെ തിളക്കം വർദ്ധിപ്പിക്കുന്നു.

കുടുംബം:

കള്ളിപ്പറമ്പിൽ ഇബ്രാഹിം – ഫാത്തിമ ദമ്പതികളുടെ മകളാണ് റഫീദ. എരമംഗലം നാക്കോല സ്വദേശി ഫിറോസാണ് ഭർത്താവ്.