ഓടിക്കൊണ്ടിരുന്ന ബസ്സിൽ നിന്നും തെറിച്ചുവീണ് വീട്ടമ്മയ്ക്ക് പരിക്ക്; അപകടം മുണ്ടക്കയം കരിനിലം എസ്.എൻ സ്കൂളിന് സമീപം

മുണ്ടക്കയം: ഓടിക്കൊണ്ടിരുന്ന സ്വകാര്യ ബസ്സിൽ നിന്നും പുറത്തേക്ക് തെറിച്ചുവീണ് വീട്ടമ്മയ്ക്ക് പരിക്കേറ്റു. കരിനിലം കല്ലുകുന്നത്ത് വീട്ടിൽ ജോയി ചാക്കോയുടെ ഭാര്യ ജോളി ചാക്കോ (61) യ്ക്കാണ് പരിക്കേറ്റത്.

ഇന്ന് (തിങ്കളാഴ്ച) രാവിലെ 11 മണിയോടെ കരിനിലം എസ്.എൻ സ്കൂളിന് സമീപമായിരുന്നു അപകടം. മുണ്ടക്കയം ഭാഗത്തേക്ക് പോവുകയായിരുന്ന ‘മേരിമാതാ’ ബസ്സിൽ നിന്നുമാണ് ഇവർ റോഡിലേക്ക് വീണത്. ബസ്സിന്റെ ഡോർ അടക്കാതിരുന്നതാണ് അപകടത്തിന് കാരണമായതെന്ന് പറയപ്പെടുന്നു.

അപ്രതീക്ഷിതമായി റോഡിലേക്ക് തെറിച്ചുവീണ ഇവർക്ക് തലയ്ക്കും കൈകാലുകൾക്കും പരിക്കേറ്റിട്ടുണ്ട്. ഉടൻ തന്നെ നാട്ടുകാർ ചേർന്ന് ആശുപത്രിയിൽ എത്തിച്ചു.