കോൺഗ്രസ് കൊടിമരം തകർക്കുകയും പാർട്ടി പതാക കത്തിക്കുകയും ചെയ്ത ഡി.വൈ.എഫ്.ഐ പ്രവർത്തകരുടെ നടപടിയിൽ പ്രതിഷേധിച്ച് കാഞ്ഞിരപ്പള്ളിയിൽ കോൺഗ്രസ് പ്രതിഷേധം; ശക്തമായ തിരിച്ചടി ഉണ്ടാകുമെന്ന് ഡിസിസി

കാഞ്ഞിരപ്പള്ളി: പേട്ട കവലയിലെ കോൺഗ്രസ് കൊടിമരം തകർക്കുകയും പാർട്ടി പതാക കത്തിക്കുകയും ചെയ്ത ഡി.വൈ.എഫ്.ഐ പ്രവർത്തകരുടെ നടപടിയിൽ പ്രതിഷേധിച്ച് കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ യോഗം സംഘടിപ്പിച്ചു.

പ്രതിഷേധ യോഗം ഉദ്ഘാടനം ചെയ്തുകൊണ്ട് ഡിസിസി ജനറൽ സെക്രട്ടറി പ്രൊഫ. റോണി കെ. ബേബി സംസാരിച്ചു. പ്രതിപക്ഷ പ്രസ്ഥാനങ്ങളെ ആക്രമിച്ചും ഭയപ്പെടുത്തിയും നിശബ്ദരാക്കി ഭരണവിരുദ്ധ വികാരത്തെ മറികടക്കാമെന്നാണ് സി.പി.എം കരുതുന്നതെങ്കിൽ, അതിനെതിരെ ശക്തമായ തിരിച്ചടി ഉണ്ടാകുമെന്ന് അദ്ദേഹം മുന്നറിയിപ്പ് നൽകി.

മണ്ഡലം പ്രസിഡന്റ് ബിജു പത്യാല അധ്യക്ഷത വഹിച്ച ചടങ്ങിൽ പ്രമുഖ നേതാക്കൾ പങ്കെടുത്തു. ബ്ലോക്ക് പഞ്ചായത്ത് വൈസ് പ്രസിഡന്റ് റോസമ്മ അഗസ്തി, ഗ്രാമപഞ്ചായത്ത് പ്രസിഡന്റ് സുനി പത്യാല, വൈസ് പ്രസിഡന്റ് സുനിൽ തേനമ്മാക്കൽ എന്നിവർ സംസാരിച്ചു.

കൂടാതെ, കോൺഗ്രസ് ബ്ലോക്ക് ഭാരവാഹികളായ അബ്ദുൽ ഫത്താക്ക്, ബിനു കുന്നുംപുറം, ദിലീപ് ചന്ദ്രൻ, അൻവർ പുളിമൂട്ടിൽ, ഫസലി കോട്ടവാതുക്കൽ, അജ്മൽ പാറക്കൽ, സന്തോഷ് മണ്ണനാനി, സിനി ജിബു, സബിതാ തുണ്ടിയിൽ എന്നിവരും, യൂത്ത് കോൺഗ്രസ് നിയോജകമണ്ഡലം പ്രസിഡൻ്റ് ഷിനാസ് കിഴക്കയിൽ, റോബിറ്റ് മാത്യു, ഷാജി പെരിന്നേപ്പറമ്പിൽ, സജി ഇല്ലത്തുപറമ്പിൽ, സണ്ണി കിഴവഞ്ചിയിൽ, ഷെജീർ, അഫ്സൽ കളരിക്കൽ തുടങ്ങിയവരും പ്രതിഷേധ യോഗത്തിൽ പ്രസംഗിച്ചു.