മുണ്ടക്കയത്ത് ആവേശത്തിരയിളക്കി അർജന്റീന ആരാധകർ; 50 അടി നീളമുള്ള കൂറ്റൻ ഫ്‌ളക്‌സ് ബോർഡ് ഉയർത്തി

മുണ്ടക്കയം: ഫുട്‌ബോൾ ലോകകപ്പ് ആവേശത്തിന് മുന്നോടിയായി മുണ്ടക്കയം നെന്മേനിയിലെ അർജന്റീന ആരാധകർ തീർത്തത് കാഴ്ചകളുടെ വിസ്മയം. പ്രിയപ്പെട്ട താരങ്ങളുടെയും ടീമിന്റെയും ആവേശം ഉൾക്കൊള്ളാൻ നെന്മേനിയിലെ ആരാധകർ ഒരുക്കിയത് 50 അടി നീളമുള്ള കൂറ്റൻ ഫ്‌ളക്‌സ് ബോർഡാണ്.

പ്രദേശത്തെ അർജന്റീന ഫാൻസ് ക്ലബ്ബിന്റെ നേതൃത്വത്തിലാണ് ഇത്രയും വലിയ ഫ്‌ളക്‌സ് സ്ഥാപിച്ചത്. നാടിന്റെ വിവിധ ഭാഗങ്ങളിൽ നിന്നും വലിയൊരു ആരാധക കൂട്ടായ്മ തന്നെ ഈ ദൃശ്യം കാണാൻ എത്തിച്ചേർന്നിരുന്നു. അർജന്റീനയോടുള്ള തങ്ങളുടെ അടങ്ങാത്ത സ്‌നേഹവും പിന്തുണയും പ്രകടിപ്പിക്കാനാണ് ഇത്തരമൊരു സംരംഭത്തിന് മുൻകൈ എടുത്തതെന്ന് സംഘാടകർ പറഞ്ഞു.