ലോക ആത്മഹത്യാ വിരുദ്ധ ദിനത്തിൽ ജനറൽ ആശുപത്രിയിൽ ഗാനധാര ഒരുക്കി സന്ധ്യാ രാഗം പ്രവർത്തകർ

കാഞ്ഞിരപ്പള്ളി:- ആത്മഹത്യ ചെയ്ത നൂറുകണക്കിന് പേരുടെ പോസ്റ്റുമോർട്ടം നടന്ന ജനറൽ ആശുപത്രിയിലെ പഴയ പോസ്റ്റ്മോർട്ടം മുറിയോട് ചേർന്നു ഒരുക്കിയ വേദിയിൽ ഈ മനോഹര തീരത്ത് തരുമോ ഇനിയൊരു ജന്മം കൂടി എന്ന ഗാനം പാടിയപ്പോൾ ജീവന്റെ മഹത്വവും ജീവിതത്തിന്റെ മനോഹാരിതയും ആസ്വാദകരുടെ മനസ്സിലൂടെ കടന്നുപോയി. കാഞ്ഞിരപ്പള്ളിയിലെ സംഗീത കൂട്ടായ്മയായ സന്ധ്യാ രാഗം കാഞ്ഞിരപ്പള്ളി ജനറൽ ആശുപത്രിയുമായി ചേർന്നാണ് ലോക ആത്മഹത്യ വിരുദ്ധ ദിനാചരണം സംഘടിപ്പിച്ചത്. ചിറക്കടവ് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ആന്റണി മാർട്ടിൻ ജോസഫ് അധ്യക്ഷത വഹിച്ച യോഗത്തിൽ  ചിറക്കടവ് ഗ്രാമപഞ്ചായത്ത് പ്രസിഡണ്ട് അഡ്വ സി ആർ ശ്രീകുമാർ പരിപാടി ഉദ്ഘാടനം ചെയ്തു. ആശുപത്രി സൂപ്രണ്ട് ഡോ:സാവന്‍ സാറാ മാത്യു  ആദ്യഗാനം ആലപിച്ചു വൈസ് പ്രസിഡണ്ട്  സതി സുരേന്ദ്രൻ  ബ്ലോക്ക് പഞ്ചായത്ത് മെമ്പർ ബി രവീന്ദ്രൻ നായർ  വ്യാപാരി വ്യവസായി ഏകോപന സമിതി പ്രസിഡണ്ട് റെജി കാവുങ്കൽ, സന്ധ്യാ രാഗം ഡയറക്ടർ ബാബു പൂതക്കുഴി,ഫാദർ ജോബി മംഗലത്ത് കരോട്ട്,എം എ നസറുദ്ദീൻ,സിബി മൈക്കിൾ,കെ ആർ ഷൈജു,പത്മകുമാരി മുരളി, സിബി പൂതക്കുഴി, ലളിതാഭായി പി എൻ, ബീന സിബി തുടങ്ങിയവരും ആശുപത്രി ജീവനക്കാരും ഗാനം ആലപിച്ചു.