സെൻറ് ഡോമിനിക്സ് സ്കൂളിൽ ഇനി ഹൃദ്യം 93 യുടെ യവനിക
കാഞ്ഞിരപ്പള്ളി: വ്യത്യസ്ത പരിപാടികളുമായി ശ്രദ്ധേയമായ സെൻറ് ഡോമിനിക്സ് സ്കൂൾ പൂർവ്വ വിദ്യാർത്ഥി സംഘടന ‘ഹൃദ്യം 93’ സ്കൂളിന് പുതിയ യവനിക സമ്മാനിച്ചു. 50000 രൂപ ചെലവിലാണ് കർട്ടൻ നിർമ്മിച്ചത്. അകാലത്തിൽ മരണമടഞ്ഞ പ്രിയ സുഹൃത്ത് മനോജ് കെയുടെ മക്കൾക്ക് പഴയ സുഹൃത്തുക്കളുടെ വകയായി ഒരുലക്ഷം രൂപ സമ്മാനിച്ചു.
സ്കൂൾ മാനേജർ ഫാദർ കുര്യൻ താമരശ്ശേരി പരിപാടി ഉദ്ഘാടനം ചെയ്തു. ഹൃദ്യം 93 പ്രസിഡൻറ് ആൻറണി മാർട്ടിൻ ജോസഫ്
അധ്യക്ഷത വഹിച്ചു. യോഗത്തിൽ സെന്റ് ഡോമിനിക് സ്കൂൾ ഹെഡ്മാസ്റ്റർ പി ജെ തോമസ്, ഷിറാസ് കമാൽ, ഉസ്താദ് നൂറുൽ ഹഖ് തുടങ്ങിയവർ സംസാരിച്ചു.
വിവിധ കലാപരിപാടികളോടുകൂടി പരിപാടി അവസാനിച്ചു. സെക്രട്ടറി അരുൺകുമാർ നന്ദി പ്രകാശിപ്പിച്ചു.
