അന്താരാഷ്ട്ര ഭിന്നശേഷി ദിനാചരണം “ഉണർവ് 2025” നടത്തപ്പെട്ടു.
പൊൻകുന്നം :കേരള സാമൂഹ്യ നീതി വകുപ്പ് കോട്ടയം ജില്ലാ ഓഫീസിൻ്റെ ആഭിമുഖ്യത്തിൽ ചെങ്കൽ 19-ാം മൈലിൽ പ്രവർത്തിക്കുന്ന ഏയ്ഞ്ചൽസ് വില്ലേജിൽ വെച്ച് അന്താരാഷ്ട്ര ഭിന്നശേഷി ദിനാചരണം “ഉണർവ് 2025” നടത്തപ്പെട്ടു. വർണ്ണശോഭമായ റാലിയോടുകൂടി ആരംഭിച്ച പരിപാടികളുടെ ഫ്ലാഗ് ഓഫ്, ബഹുമാനപ്പെട്ട സംസ്ഥാന ഭിന്നശേഷി കമ്മീഷണർ ഡോക്ടർ പി.ടി. ബാബുരാജ് നിർവഹിച്ചു.
കോട്ടയം ജില്ലയിലെ വിവിധ ഭിന്നശേഷി സ്കൂളുകളിൽ നിന്നുള്ള കുട്ടികളും ഭിന്നശേഷി മേഖലയിൽ പ്രവർത്തിക്കുന്നവരും പങ്കെടുത്തു.
കേരള സംസ്ഥാന ഓർഫനേജ് കൺട്രോൾ ബോർഡ് മെമ്പറും അസോസിയേഷൻ ഫോർ ദ ഇൻ്റെ ലക്ചലി ഡിസേബിൾഡ് ചെയർമാൻ ഫാ.റോയി മാത്യു വടക്കേൽ അധ്യക്ഷത വഹിച്ച യോഗത്തിൽ, ജില്ലാ സാമൂഹ്യ നീതി ഓഫീസർ ശ്രീ സിജു ബെൻ സ്വാഗതം ആശംസിച്ചു.
സംസ്ഥാന ഭിന്നശേഷി ജില്ലാതല കമ്മിറ്റി മെമ്പറും DAWF സംസ്ഥാന പ്രസിഡന്റുമായ ശ്രീ കെ.കെ. സുരേഷ്, DAPC കോട്ടയം ജില്ലാ പ്രസിഡന്റ്
ശ്രീ.സജിമോൻ, ഹാൻഡികാപ്പ്ഡ് അസോസിയേഷൻ ഓഫ് ഇന്ത്യാ സംസ്ഥാന ജനറൽ സെക്രട്ടറി
ശ്രീ.ജേക്കബ് ളാക്കാട്ടൂർ, കോട്ടയം പ്രോബോഷൻ ഓഫീസർ ശ്രീമതി സജിതാ എസ്, DAPDS സംസ്ഥാന പ്രസിഡന്റ് ശ്രീ കെ.കെ. സാബു,
എന്നിവർ ആശംസകൾ അർപ്പിച്ചു.
കേരള ഫെഡറേഷൻ ഓഫ് ദി ബ്ലൈൻഡ് ജില്ലാ സെക്രട്ടറി ശ്രീ യൂസഫ് ഇ എ, PAID ജില്ലാ പ്രസിഡന്റ് ശ്രീ മുരളി, DAFA സംസ്ഥാന സെക്രട്ടറി ശ്രീ എം.വി. ബിജുമോൻ എന്നിവരും സംസാരിച്ചു.
ഗവൺമെന്റ് വൃദ്ധസദനം, തിരുവഞ്ചൂരിലെ സൂപ്രണ്ട് സെബാസ്റ്റ്യൻ അഗസ്റ്റിൻ കൃതജ്ഞത രേഖപ്പെടുത്തി.
ദിന്ന ശേഷി മേഖലയിലെ സമഗ്രസംഭാവനകൾ നൽകിയ ഡോ.എ.റ്റി ത്രേസ്യാക്കുട്ടി, സുജാത കെ.ബി , ഫിൽസ് മരിയ സാജു എന്നിവരെ ആദരിച്ചു.
കോട്ടയം സി.എം.എസ്. കോളേജിലെ അസിസ്റ്റന്റ് പ്രൊഫസർ ഡോ.അജീഷ് കെ.ആർ. RPWD ACT സംബന്ധിച്ച ബോധവൽക്കരണ ക്ലാസും,
ജില്ലയിലെ വിവിധ ഭിന്നശേഷി മേഖലയിൽ നിന്നുള്ള ആളുകളുടെ കലാപരിപാടികളും സമ്മാനവിതരണവും നടന്നു. ഉച്ചഭക്ഷണത്തോടുകൂടി സമ്മേളനം അവസാനിച്ചു.
