കൂട്ടിക്കലിന് അഭിമാന നിമിഷം: രാജ്യസുരക്ഷയിൽ മികവ്; സംസ്ഥാനത്തെ മികച്ച കസ്റ്റംസ് ഉദ്യോഗസ്ഥനായി ഏന്തയാർ സ്വദേശി എബിൻ കെ അഗസ്റ്റിൻ

മികച്ച കസ്റ്റംസ് ഓഫീസർക്കുള്ള അവാർഡ് കൂട്ടിക്കൽ സ്വദേശി എബിൻ കെ അഗസ്റ്റിന്
മുണ്ടക്കയം: രാജ്യസുരക്ഷയുമായി ബന്ധപ്പെട്ട സേവനങ്ങളിൽ മികച്ച പ്രവർത്തനം കാഴ്ചവെച്ചതിന് കേരളത്തിലെ മികച്ച കസ്റ്റംസ് ഉദ്യോഗസ്ഥനുള്ള 2025-ലെ പുരസ്കാരം കൂട്ടിക്കൽ ഏന്തയാർ സ്വദേശി എബിൻ അഗസ്റ്റിൻ സ്വന്തമാക്കി. കൊച്ചി പ്രിവന്റീവ് യൂണിറ്റിലെ ഉദ്യോഗസ്ഥനാണ് എബിൻ.
അംഗീകാരത്തിന് പിന്നിലെ സേവനം
കടൽമാർഗ്ഗമുള്ള കള്ളക്കടത്തുകൾ തടയുന്നതിലും, അനധികൃത ആയുധ വ്യാപാരം, മയക്കുമരുന്ന് കടത്ത്, മനുഷ്യക്കടത്ത് തുടങ്ങിയ ദേശവിരുദ്ധ പ്രവർത്തനങ്ങൾ ഫലപ്രദമായി പ്രതിരോധിക്കുന്നതിലും എബിൻ നടത്തിയ മികച്ച ഇടപെടലുകളാണ് അദ്ദേഹത്തെ ഈ അവാർഡിന് അർഹനാക്കിയത്.
കൊച്ചിയിൽ നടന്ന പ്രൗഢഗംഭീരമായ ചടങ്ങിൽ വെച്ച് കസ്റ്റംസ് കമ്മീഷണർ ഡോ. ടിജുവിൽ നിന്നും എബിൻ കെ ആഗസ്റ്റിൻ അവാർഡ് ഏറ്റുവാങ്ങി. ചടങ്ങിൽ ഹൈക്കോടതി ജസ്റ്റിസ് ഈശ്വരൻ എൻ., പ്രശസ്ത സിനിമാതാരവും ‘അമ്മ’ പ്രസിഡന്റുമായ ശ്വേത മേനോൻ തുടങ്ങി നിരവധി വിശിഷ്ട വ്യക്തികൾ അതിഥികളായി പങ്കെടുത്തു.
കൂട്ടിക്കൽ ഗ്രാമപഞ്ചായത്ത് പ്രസിഡന്റ് ശ്രീമതി ആൻസി അഗസ്റ്റിന്റെയും, അഗസ്റ്റിന്റെയും പുത്രനാണ് എബിൻ അഗസ്റ്റിൻ. നാടിനും വീടിനും അഭിമാനമായ ഈ നേട്ടത്തിൽ എബിനെ നിരവധി പേർ അഭിനന്ദിച്ചു