ത്രിതല പഞ്ചായത്ത് ജനപ്രതിനിധികൾക്ക് കേരള വ്യാപാരി വ്യവസായി ഏകോപന സമിതി മുണ്ടക്കയം ഈസ്റ്റ് യൂണിറ്റിന്റെ ആഭിമുഖ്യത്തിൽ വമ്പിച്ച സ്വീകരണം 

മുണ്ടക്കയം: പുതുതായി തെരഞ്ഞെടുക്കപ്പെട്ട ത്രിതല പഞ്ചായത്ത് ജനപ്രതിനിധികൾക്ക് കേരള വ്യാപാരി വ്യവസായി ഏകോപന സമിതി മുണ്ടക്കയം ഈസ്റ്റ് യൂണിറ്റിന്റെ ആഭിമുഖ്യത്തിൽ വമ്പിച്ച സ്വീകരണം നൽകുന്നു. 2026 ജനുവരി 17 ശനിയാഴ്ച വൈകുന്നേരം 5 മണിക്ക് മുണ്ടക്കയം 35-ാം മൈലിലെ ഓപ്പൺ സ്റ്റേജിൽ വെച്ചാണ് ചടങ്ങ് നടക്കുന്നത്.

പൂഞ്ഞാർ എം.എൽ.എ. അഡ്വ. സെബാസ്റ്റ്യൻ കുളത്തിങ്കൽ സ്വീകരണ സമ്മേളനത്തിന്റെ ഉദ്ഘാടനം നിർവ്വഹിക്കും. യൂണിറ്റ് പ്രസിഡന്റ് ശ്രീ. ജേക്കബ്ബ് സി. കല്ലൂർ ചടങ്ങിൽ അദ്ധ്യക്ഷത വഹിക്കും.

ആദരിക്കപ്പെടുന്ന പ്രമുഖർ

മുണ്ടക്കയം ഈസ്റ്റ് യൂണിറ്റുമായി ബന്ധപ്പെട്ട മേഖലയിലെ വിവിധ ജനപ്രതിനിധികളെ ചടങ്ങിൽ ആദരിക്കും:

• ഗ്രാമപഞ്ചായത്ത് പ്രസിഡന്റുമാർ: സൂസമ്മ മാത്യു (മുണ്ടക്കയം), ഡി. സുഗുണൻ (കൊക്കയാർ), കെ. ആർ. വിജയൻ (പെരുവന്താനം).

• ജില്ലാ പഞ്ചായത്ത് അംഗങ്ങൾ: അഡ്വ. പി. ജീരാജ് (കോട്ടയം ജില്ലാ പഞ്ചായത്ത്), മിനി സാബു (ഇടുക്കി ജില്ലാ പഞ്ചായത്ത്), ആൻസി ജെയിംസ് (ഇടുക്കി ജില്ലാ പഞ്ചായത്ത് & കെ.വി.വി.ഇ.എസ് ജില്ലാ വനിതാ വിംഗ് പ്രസിഡന്റ്).

• ബ്ലോക്ക് പഞ്ചായത്ത് അംഗങ്ങൾ: അയ്യൂബ്ഖാൻ (കാഞ്ഞിരപ്പള്ളി), ജോൺ. പി. തോമസ് (പീരുമേട്).

കൂടാതെ മുണ്ടക്കയം, കൊക്കയാർ, പെരുവന്താനം ഗ്രാമപഞ്ചായത്തുകളിലെ ഈസ്റ്റ് യൂണിറ്റ് പരിധിയിൽ വരുന്ന വാർഡ് മെമ്പർമാർക്കും ചടങ്ങിൽ സ്വീകരണം നൽകും.

യൂണിറ്റ് ജനറൽ സെക്രട്ടറി ശ്രീ. ബേബി സെബാസ്റ്റ് സ്വാഗതവും, യൂണിറ്റ് ട്രഷറർ ശ്രീ. പി. എം. റഷീദ് കൃതജ്ഞതയും രേഖപ്പെടുത്തും. വ്യാപാരി സമൂഹവും ജനപ്രതിനിധികളും തമ്മിലുള്ള സൗഹൃദം പുതുക്കുന്നതിനും വികസന പ്രവർത്തനങ്ങൾ ചർച്ച ചെയ്യുന്നതിനുമായി സംഘടിപ്പിക്കുന്ന ഈ പരിപാടിയിൽ മുഴുവൻ വ്യാപാരികളും പങ്കെടുക്കണമെന്ന് ഭാരവാഹികൾ അറിയിച്ചു.