മുണ്ടക്കയം സെന്റ് ജോസഫ്സ് സെൻട്രൽ സ്കൂളിൽ ചിൽഡ്രൻസ് ഡേ ആഘോഷം

മുണ്ടക്കയം സെന്റ് ജോസഫ്സ് സെൻട്രൽ സ്കൂളിൽ ചിൽഡ്രൻസ് ഡേ വിവിധ പരിപാടികളോടെ ആഘോഷിച്ചു. ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്റുവിന് ആദരവ് സമ്മാനിക്കുന്നതായിരുന്നു ആഘോഷം. പ്രീ പ്രൈമറി വിദ്യാർത്ഥികൾ പരിപാടികൾ ഏകോപിപ്പിച്ച് ആകർഷമായ ഇനങ്ങൾ അവതരിപ്പിച്ചു. ശിശുദിന ആഘോഷത്തിലെ വർണ്ണശഭളമായ റാലി കാഴ്ചക്കാർക്ക് നവ്യാനുഭവമൊരുക്കി. നൂറുകണക്കിന് ചാച്ചാജിമാരും ഇന്ദിരാഗാന്ധിയും ഭാരതാംബയും മഹാത്മാഗാന്ധിയും മറ്റു സമുന്നയ നേതാക്കളും റാലിക്ക് പ്രൗഢിയേകി. വർണ്ണ ബലൂണുകളും ജയ് വിളികളും റാലിക്ക് മിഴിവേകി.

പരിപാടിയിൽ വിദ്യാർഥികളെ സംഘടിപ്പിക്കാനും അവരെ നയിക്കുവാനും KG ടീച്ചേഴ്സ് പ്രധാന പങ്കുവഹിച്ചു. ടീച്ചേഴ്സ് അവതരിപ്പിച്ച നൃത്ത പരിപാടി ആഘോഷത്തിന് മാറ്റുകൂട്ടി.

ഡിഎം കോൺവെന്റിലെ മുൻ പ്രൊവിഷൽ അംഗം സി. ഫെലിസിറ്റ ശിശുദിനം ഉദ്ഘാടനം ചെയ്യുകയും സ്കൂൾ മാനേജർ ഫാ. മത്തായി മണ്ണൂർവടക്കേതിൽ സ്കൂൾ പ്രിൻസിപ്പാൾ ഫാ. തോമസ് നാലന്നടിയിൽ എന്നിവർ ആശംസകൾ അർപ്പിക്കുകയും ചെയ്തു.