കൊടിമരങ്ങൾ നശിപ്പിച്ചു: മുണ്ടക്കയത്ത് കോൺഗ്രസ് – കെഎസ്യു പ്രതിഷേധം
മുണ്ടക്കയം: മന്ത്രി വീണാ ജോർജിന്റെ പേര് പറഞ്ഞ് സി.പി.എം സംസ്ഥാന വ്യാപകമായി അക്രമം അഴിച്ചുവിടുകയാണെന്ന് ആരോപിച്ച് മുണ്ടക്കയം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധം സംഘടിപ്പിച്ചു. മുണ്ടക്കയത്ത് ഐ.എൻ.ടി.യു.സി, കെ.എസ്.യു എന്നിവയുടെ കൊടിമരങ്ങൾ നശിപ്പിച്ച നടപടിയെ യോഗം ശക്തമായി അപലപിച്ചു.
ഭരണത്തിന്റെ തണലിൽ കോൺഗ്രസിനെ ഇല്ലാതാക്കാമെന്ന് സി.പി.എം കരുതേണ്ടെന്ന് യോഗം ഉദ്ഘാടനം ചെയ്തവർ പറഞ്ഞു. ബംഗാളിലും ത്രിപുരയിലും സംഭവിച്ചതുപോലെ ജനങ്ങൾ സി.പി.എമ്മിനെ തള്ളിക്കളയുന്ന കാലം വിദൂരമല്ലെന്നും, നിയമസഭാ തിരഞ്ഞെടുപ്പിലെ പരാജയഭീതിയാണ് ഇത്തരം അക്രമങ്ങൾക്ക് പിന്നിലെന്നും കോൺഗ്രസ് കുറ്റപ്പെടുത്തി.
പ്രതിഷേധ യോഗങ്ങൾ:
• മണ്ഡലം കമ്മിറ്റി: മണ്ഡലം പ്രസിഡന്റ് കെ.എസ്. രാജു അധ്യക്ഷത വഹിച്ചു. ബെന്നി ചെറ്റുകുഴി, ബി. ജയചന്ദ്രൻ, എൻ.ആർ. സുരേഷ്, ടി.ടി. സാബു, ജോൺസൺ സാബു മടിക്കാങ്കൻ, ഷാഹുൽ വണ്ടൻപതാൽ തുടങ്ങിയവർ സംസാരിച്ചു.
• ശ്രീശബരീശ കോളേജ്: കോളേജിലെ കെ.എസ്.യു കൊടിമരം എസ്.എഫ്.ഐ തകർത്തതിൽ പ്രതിഷേധിച്ച് കെ.എസ്.യു യൂണിറ്റ് കമ്മിറ്റിയുടെ നേതൃത്വത്തിൽ പ്രകടനവും യോഗവും നടത്തി. ഡി.സി.സി ജനറൽ സെക്രട്ടറി പ്രകാശ് പുളിക്കൻ യോഗം ഉദ്ഘാടനം ചെയ്തു. യൂണിറ്റ് പ്രസിഡന്റ് അൻസിൽ അൻസാരി അധ്യക്ഷത വഹിച്ചു. അഡ്വ. റെമിൻ രാജൻ, രജനി ഷാജി, മറിയാമ്മ ആന്റണി, അച്ചു ഷാജി തുടങ്ങിയവർ പ്രസംഗിച്ചു.
