വെളിച്ചിയാനി സെന്റ് തോമസ് ഫൊറോന പള്ളിയിൽ സംയുക്ത തിരുനാൾ 16 മുതൽ

കാഞ്ഞിരപ്പള്ളി: വെളിച്ചിയാനി സെന്റ് തോമസ് ഫൊറോന പള്ളിയിൽ വിശുദ്ധരുടെ സംയുക്ത തിരുനാൾ ജനുവരി 16 മുതൽ 18 വരെ ആഘോഷിക്കുന്നു. മാർ തോമാശ്ലീഹാ, പരിശുദ്ധ കന്യകാമറിയം, മാർ യൗസേപ്പ്, മാർ ഗീവർഗീസ്, മാർ സെബസ്ത്യാനോസ്, വിശുദ്ധ അൽഫോൻസാമ്മ എന്നിവരുടെ സംയുക്ത തിരുനാളാണ് നടക്കുന്നത്. വികാരി ഫാ. സെബാസ്റ്റ്യൻ പാലമൂട്ടിൽ, അസിസ്റ്റന്റ് വികാരി ഫാ. തോമസ് പാലുക്കുന്നേൽ എന്നിവർ ചടങ്ങുകൾക്ക് നേതൃത്വം നൽകും.

പ്രധാന ചടങ്ങുകൾ ഒറ്റനോട്ടത്തിൽ:

ജനുവരി 16 (വെള്ളി):

• വൈകുന്നേരം 4:30: കൊടിയേറ്റ്, തിരുസ്വരൂപ പ്രതിഷ്ഠ.

• വൈകുന്നേരം 4:45: വിശുദ്ധ കുർബാന, തുടർന്ന് സെമിത്തേരി സന്ദർശനം.

• രാത്രി 7:00: നാടകം.

ജനുവരി 17 (ശനി):

• രാവിലെ 10:00: വിശുദ്ധ കുർബാന, തുടർന്ന് സ്നേഹവിരുന്ന്.

• വൈകുന്നേരം 4:00: വിശുദ്ധ കുർബാന.

• വൈകുന്നേരം 6:00: ചോറ്റി കുരിശടിയിലേയ്ക്ക് ഭക്തിനിർഭരമായ പ്രദക്ഷിണം.

• രാത്രി 9:00: താളലയ വിസ്മയം, ആകാശ വിസ്മയം (കരിമരുന്ന് പ്രയോഗം).

ജനുവരി 18 (ഞായർ):

• രാവിലെ 5:45: വിശുദ്ധ കുർബാന.

• രാവിലെ 8:00: വാർഡുകളിൽ നിന്നുള്ള കഴുന്ന് പ്രദക്ഷിണം ആരംഭിക്കുന്നു.

• രാവിലെ 9:30: പ്രദക്ഷിണം പള്ളിയിൽ എത്തിച്ചേരും.

• രാവിലെ 10:00: ആഘോഷമായ തിരുനാൾ കുർബാന.

• രാവിലെ 11:30: കുരിശടി ചുറ്റി പ്രദക്ഷിണം, തുടർന്ന് സ്നേഹവിരുന്ന്.

• വൈകുന്നേരം 5:00: വിശുദ്ധ കുർബാന.

• രാത്രി 7:00: ഗാനമേള.