മദ്യലഹരിയിൽ യുവാവിന്റെ പരാക്രമം; കാഞ്ഞിരപ്പള്ളിയിൽ ഓട്ടോയിടിച്ച് ഒരാൾ മരിച്ചു

കാഞ്ഞിരപ്പള്ളി: ആനക്കല്ല് വണ്ടൻപാറയിൽ മദ്യലഹരിയിൽ യുവാവ് ഓടിച്ച പെട്ടി ഓട്ടോയിടിച്ച് ഒരാൾ മരിച്ചു. മൂന്ന് പേർക്ക് പരിക്കേറ്റു. അപകടത്തിൽ പെട്ട പൊടിമറ്റം സ്വദേശിയാണ് മരിച്ചത്. സംഭവവുമായി ബന്ധപ്പെട്ട് ആനക്കല്ല് സ്വദേശിയായ ജ്യോതിഷിനെ കാഞ്ഞിരപ്പള്ളി പോലീസ് അറസ്റ്റ് ചെയ്തു.ഓട്ടോയുടെ ഇടിയേറ്റ് മൂന്ന് പേർക്ക് ഗുരുതരമായി പരിക്കേറ്റു. ഇതിൽ പൊടിമറ്റം സ്വദേശിയായ അജേഷിനെ ആശുപത്രിയിൽ എത്തിച്ചു തുടർന്ന് ഇന്ന് ഉച്ചക്ക് മരണം സംഭവിക്കുകയും ചെയ്തു.അപകടവിവരമറിഞ്ഞ് സ്ഥലത്തെത്തിയ കാഞ്ഞിരപ്പള്ളി പോലീസ് സംഘത്തിന് നേരെയും യുവാവ് ഓട്ടോ ഓടിച്ചു കയറ്റാൻ ശ്രമിച്ചു എന്ന് നാട്ടുക്കാർ പറയുന്നു

ഇന്നലെ വൈകുന്നേരമാണ് നാടിനെ നടുക്കിയ സംഭവം നടന്നത്. പൂർണ്ണമായും മദ്യലഹരിയിലായിരുന്ന ജ്യോതിഷ്, വണ്ടൻപാറ ഭാഗത്ത് എത്തിയ ഒരു പെട്ടി ഓട്ടോയുമായി നടുറോഡിലൂടെ അതിവേഗം പാഞ്ഞടുക്കുകയായിരുന്നു. നിയന്ത്രണം വിട്ട ഓട്ടോ വഴിയിലുണ്ടായിരുന്ന യാത്രക്കാരെയും മറ്റു വാഹനങ്ങളെയും ഇടിച്ചു തെറിപ്പിച്ചു.തുടർന്ന് പ്രതിയെ പോലീസ് ബലമായി കീഴ്പ്പെടുത്തി സ്റ്റേഷനിലേക്ക് മാറ്റി.