മുണ്ടക്കയത്ത് നാളെ ഹിന്ദു ഏകതാ സമ്മേളനം; ഒരുക്കങ്ങൾ പൂർത്തിയായി

മുണ്ടക്കയം: ദേശവ്യാപകമായി നടന്നുവരുന്ന ഹിന്ദു ഏകത സമ്മേളനങ്ങളുടെ ഭാഗമായി മുണ്ടക്കയത്ത് സംഘടിപ്പിക്കുന്ന ഹിന്ദു ഏകതാ സമ്മേളനം നാളെ (മാർച്ച് 1, ഞായർ) നടക്കും. മുണ്ടക്കയം സി.എസ്.ഐ. പാരിഷ് ഹാളിൽ നടക്കുന്ന പരിപാടിയിൽ വിവിധ ഹൈന്ദവ സാമുദായിക സംഘടനാ നേതാക്കൾ പങ്കെടുക്കും.

പ്രധാന പരിപാടികൾ:

• ഉച്ചകഴിഞ്ഞ് 2:00-ന്: പുലിക്കുന്ന് ധർമ്മശാസ്താ ഭജൻസിൻ്റെ ഭജനയും തുടർന്ന് തിരുവാതിരയും.

• സമ്മേളനം: ദീപപ്രോജ്ജ്വലനം, ഈശ്വരപ്രാർത്ഥന, വന്ദേമാതരം ആലാപനം എന്നിവയോടെ സമ്മേളനം ആരംഭിക്കും.

നേതൃത്വം:

ഡോക്ടർ പി. പവിത്രൻ അധ്യക്ഷത വഹിക്കുന്ന സമ്മേളനം ഭാരതീയ വിദ്യാനികേതൻ സംസ്ഥാന ഉപാധ്യക്ഷ എം.എസ്. ലളിതാംബിക ടീച്ചർ ഉദ്ഘാടനം ചെയ്യും. ചെറുകോൽ ശുഭാനന്ദാശ്രമത്തിലെ സ്വാമി പ്രജ്ഞാനാനന്ദൻ അനുഗ്രഹ പ്രഭാഷണം നടത്തും. രാഷ്ട്രീയ സ്വയംസേവക സംഘം പ്രാന്തിയ സഹ സമ്പർക്ക പ്രമുഖ് എം. ജയകുമാർ മുഖ്യപ്രഭാഷണം നടത്തും. സ്വാഗതസംഘം ജനറൽ കൺവീനർ ആർ. രഞ്ജിത്ത് സ്വാഗതം ആശംസിക്കും.