കുട്ടികൾക്ക് ഇരട്ടി സന്തോഷിക്കാം.. ഓണത്തിനു പിന്നാലെ ഏഴു ദിവസം അവധി വരുന്നു, സെപ്റ്റംബർ 30 ദുർഗാഷ്ടമി പൊതു അവധിയല്ലാത്തതിൽ സർക്കാർ ഉദ്യോഗസ്ഥർക്കു നിരാശ; സർക്കാർ കലണ്ടറിൽ ദുർഗാഷ്ടമി ഇല്ല!

സെപ്റ്റംബർ 27,28 ശനിയും ഞായറുമാണ്. 29ന് വൈകിട്ട് പൂജവയ്ക്കും. സെപ്റ്റംബർ 30, ഒക്ടോബർ 1 പൂജ അവധി, ഒക്ടോബർ രണ്ട് ഗാന്ധിജയന്തിയും പൂജാ അവധിയും ഒന്നിച്ചു വരുന്നു, ഒക്ടോബർ നാലും അഞ്ചും ശനിയും ഞായറുമാണ്. സ്പെറ്റംബർ 29, ഒക്ടോബർ മൂന്ന് എന്നിവ മാത്രമാണ് പ്രവർത്തി ദിവസം.
ഓണത്തിന് ശേഷം ഇത്രയും അവധി അടുപ്പിച്ച് വരുന്നതും അപൂർവം. വീണ്ടും അവധി ദിവസങ്ങൾ കിട്ടിയതിൽ വിദ്യാർഥികളും സന്തോഷത്തിലാണ്. എന്നാൽ, സെപ്റ്റംബർ 30 ദുർഗാഷ്ടമി ദിവസം പൊതു അവധി സർക്കാർ പ്രഖ്യാപിച്ചിട്ടില്ല. സർക്കാർ കലകണ്ടറിൽ സെപ്റ്റംബർ 30 പ്രവർത്തി ദിവസമാണ്.
എന്നാൽ, അന്ന് ദുർഗാഷ്ടമി എന്നു പോലും സർക്കാർ കലണ്ടറിൽ എഴുതിച്ചേർത്തിട്ടില്ല. ഇതോടെ വിദ്യാഭ്യാസ സ്ഥാപനങ്ങൾ ഒഴികെയുള്ളവ പ്രവർത്തിക്കേണ്ടി വരും. ഇതേച്ചൊല്ലി ഹൈന്ദവ സംഘനകൾ പ്രതിഷേധം ഉയർത്തുന്നുണ്ട്. മുൻ വർഷങ്ങളിൽ ദുർഗാഷ്ടമി അവധി ദിവസങ്ങളായിരുന്നു. ഇക്കുറി സർക്കാർ എന്തുകൊണ്ട് അവധി മാറ്റി എന്ന ചോദ്യമാണ് ഇക്കൂട്ടർ ഉയർത്തുന്നത്.
അതേസമയം, പൂജ അവധിയോട് അനുബന്ധിച്ച് സംസ്ഥാനത്തെ ടൂറിസം കേന്ദ്രങ്ങളിലെല്ലാം ബുക്കിങ് തീരാറയി. വാഗമണ്ണിലും മൂന്നാറിലുമെല്ലാം റൂമുകൾ കിട്ടാനില്ലാത്ത അവസ്ഥയുണ്ട്. ഓണത്തിന് ശേഷം വീണ്ടും ഇത്രയും അവധി ദിവസങ്ങൾ അടുപ്പിച്ചു വന്നതിൽ ഹോട്ടൽ, ഹോംസ്റ്റേ രംഗത്തു പ്രവർത്തിക്കുന്നവരും സന്തോഷത്തിലാണ്.