മുണ്ടക്കയം വെള്ളനാടി – വള്ളക്കടവ് പാലം നിർമ്മാണ ഉദ്ഘാടനം നടത്തി
2021 ലെ പ്രളയത്തിൽ തകർന്ന മുണ്ടക്കയം ഗ്രാമപഞ്ചായത്ത് 19-)o വാർഡിൽ വെള്ളനാടി-വള്ളക്കടവ് പാലം പുനർ നിർമ്മിക്കുന്നതിന് എംഎൽഎ അആസ്തി വസ്ഥ വികസന ഫണ്ടിൽ നിന്നും 1.40 കോടി രൂപ അനുവദിച്ച് നിർമ്മിക്കുന്നതിന്റെ ഉദ്ഘാടനം അഡ്വ. സെബാസ്റ്റ്യൻ കുളത്തുങ്കൽ എംഎൽഎ നിർവഹിച്ചു. വാർഡ് മെമ്പർ രേഖാ ദാസ് അധ്യക്ഷത വഹിച്ചു. ഹാരിസൺ മലയാളം എസ്റ്റേറ്റ് മാനേജർ മനോജ്, പൊതുപ്രവർത്തകരായ പി.കെ പ്രദീപ്, മോളി ദേവസ്യ, സി. വി അനിൽകുമാർ, കെ. എൻ സോമരാജൻ,രജീന്ദ്രൻ, ബിനോയി തുടങ്ങിയവർ പ്രസംഗിച്ചു.
പാലം പ്രളയത്തിൽ തകർന്നതിനെ തുടർന്ന് തോട്ടം തൊഴിലാളികളും വിദ്യാർത്ഥികളും അടക്കമുള്ള പ്രദേശവാസികൾ കിലോമീറ്ററുകൾ ചുറ്റി സഞ്ചരിച്ചാണ് യാത്ര ചെയ്തിരുന്നത്. എംഎൽഎ ആസ്തി വികസന ഫണ്ടിലെ തുക ഉപയോഗിച്ച് ഭാഗികമായ നിർമ്മാണ പ്രവർത്തികൾ നടത്തുന്നതിന് നിയമപരമായ തടസ്സമുണ്ടായിരുന്നതിനാൽ ആയത് പരിഹരിക്കുന്നതിന് ഗവൺമെന്റിൽ നിന്നും പ്രത്യേക അനുമതി വാങ്ങിയാണ് നിർമ്മാണ പ്രവർത്തികൾ നടത്തുന്നതെന്നും എംഎൽഎ അറിയിച്ചു. ആറുമാസത്തിനുള്ളിൽ നിർമ്മാണം പൂർത്തീകരിച്ച് പാലം തുറന്നു കൊടുക്കുമെന്നും എംഎൽഎ കൂട്ടിച്ചേർത്തു. ഈ പാലം കൂടി യാഥാർത്ഥ്യമാകുന്നതോടെ 2021 ലെ പ്രളയത്തിൽ തകർന്ന നിയോജകമണ്ഡലത്തിലെ എല്ലാ പ്രധാന പാലങ്ങളും പുനർ നിർമ്മിച്ചു കഴിഞ്ഞു. നിർമ്മാണം പൂർത്തീകരിച്ച ഏന്തയാർ മുക്കുളം പാലവും, ഇളംകാട് ടൗൺ പാലവും ഈ മാസം തന്നെ ഉദ്ഘാടനം ചെയ്യുമെന്നും എംഎൽഎ അറിയിച്ചു.
