മുണ്ടക്കയം ചെറുമല ഗ്രാമോദ്ധാരണ ലൈബ്രറിക്ക് പുതിയ കെട്ടിടം; ഉദ്ഘാടനം എം.എൽ.എ നിർവ്വഹിച്ചു

മുണ്ടക്കയം: വായനയുടെ വസന്തം വിരിയിക്കാൻ മുണ്ടക്കയം പഞ്ചായത്തിലെ ഇരുപതാം വാർഡിൽ ഇനി പുതിയ ലൈബ്രറി കെട്ടിടം. എം.എൽ.എ ഫണ്ടിൽ നിന്നും 10 ലക്ഷം രൂപ വിനിയോഗിച്ച് നിർമ്മാണം പൂർത്തീകരിച്ച ചെറുമല ഗ്രാമോദ്ധാരണ ലൈബ്രറി കെട്ടിടത്തിന്റെ ഉദ്ഘാടനം സെബാസ്റ്റ്യൻ കുളത്തുങ്കൽ എം.എൽ.എ നിർവ്വഹിച്ചു.

നാടിന്റെ സാംസ്കാരിക വളർച്ചയിൽ നിർണ്ണായക പങ്കുവഹിക്കുന്ന ചെറുമല ലൈബ്രറിക്ക് സ്വന്തമായി ഒരു കെട്ടിടം എന്നത് ദീർഘകാലത്തെ ആവശ്യമായിരുന്നു. ആധുനിക സൗകര്യങ്ങളോടെ നിർമ്മിച്ച പുതിയ കെട്ടിടം വിദ്യാർത്ഥികൾക്കും മുതിർന്നവർക്കും ഒരുപോലെ പ്രയോജനപ്പെടും, ചടങ്ങിൽ ഗ്രാമപഞ്ചായത്ത് പ്രസിഡന്റ് സൂസമ്മ മാത്യുവും ജന പ്രതിനിധികളും ലൈബ്രറി ഭാരവാഹികളും നാട്ടുകാരും പങ്കെടുത്തു.