പൊൻകുന്നം: ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ (AIBEA) രൂപീകരണത്തിന്റെ 80-ാം വാർഷികാഘോഷങ്ങളുടെ ഭാഗമായി എ.കെ.ബി.ഇ.എഫ് (AKBEF) കോട്ടയം ജില്ലാ കമ്മിറ്റിയുടെ ആഭിമുഖ്യത്തിൽ സെമിനാർ സംഘടിപ്പിച്ചു. പൊൻകുന്നം ക്ലബ് ഹാളിൽ നടന്ന സെമിനാറിൽ “AIBEAയും ജനകീയ ബാങ്കിംഗും” എന്ന വിഷയത്തെ ആസ്പദമാക്കി ചർച്ചകൾ നടന്നു.
ചിറക്കടവ് ഗ്രാമപഞ്ചായത്ത് പ്രസിഡന്റ് ശ്രീ. ടി. എൻ. ഗിരീഷ് കുമാർ സെമിനാർ ഉദ്ഘാടനം ചെയ്തു. ബാങ്കിംഗ് സേവനങ്ങൾ സാധാരണ ജനങ്ങളിലേക്ക് എത്തിക്കുന്നതിലും പൊതുമേഖലാ ബാങ്കുകളെ ശക്തിപ്പെടുത്തുന്നതിലും തൊഴിലാളി സംഘടനകൾ വഹിക്കുന്ന പങ്ക് നിസ്തുലമാണെന്ന് അദ്ദേഹം അഭിപ്രായപ്പെട്ടു.
AKBEF ജില്ലാ ചെയർമാൻ സ. ജോർജി ഫിലിപ്പ് ചടങ്ങിൽ അധ്യക്ഷത വഹിച്ചു. സംഘടനയുടെ എൺപത് വർഷത്തെ സമരപാരമ്പര്യത്തെക്കുറിച്ചും ബാങ്ക് ദേശസാൽക്കരണത്തിലും പൊതുമേഖലാ സംരക്ഷണത്തിലും AIBEA വഹിച്ച നിർണായക പങ്കിനെക്കുറിച്ചും AKBEF അസിസ്റ്റന്റ് സെക്രട്ടറി സ. പി. എസ്. ഹരികൃഷ്ണൻ മുഖ്യപ്രഭാഷണത്തിൽ വിശദീകരിച്ചു.
AKBEF ഡെപ്യൂട്ടി ജനറൽ സെക്രട്ടറി സ. സന്തോഷ് സെബാസ്റ്റ്യൻ ആശംസകൾ നേർന്നു. ജില്ലാ സെക്രട്ടറി സ. ഹരി ശങ്കർ എസ് സ്വാഗതവും പൊൻകുന്നം ടൗൺ കമ്മിറ്റി ചെയർമാൻ സ. രജീഷ് ആർ നന്ദിയും രേഖപ്പെടുത്തി.
80-ാം വാർഷികാഘോഷങ്ങളുടെ ഭാഗമായി വരും ദിവസങ്ങളിൽ ജില്ലയിലെ വിവിധ കേന്ദ്രങ്ങളിൽ കൂടുതൽ സെമിനാറുകളും ജനസദസ്സുകളും സംഘടിപ്പിക്കുമെന്ന് ഭാരവാഹികൾ അറിയിച്ചു.
മുണ്ടക്കയം: മുണ്ടക്കയം ടൗണിലും ബസ് സ്റ്റാൻഡ് പരിസരത്തും മദ്യപിച്ചെത്തുന്ന ചില ഓട്ടോ ഡ്രൈവർമാരുടെ ഗുണ്ടായിസം വർദ്ധിക്കുന്നതായി പരാതി. കഴിഞ്ഞദിവസം രാത്രി…
മുണ്ടക്കയം: മുണ്ടക്കയം ടൗണിൽ നടന്ന ഹർത്താൽ/സമരം പൂർണ്ണവിജയം. ടൗണിലെ ബാങ്കുകളും മറ്റ് സ്വകാര്യ സ്ഥാപനങ്ങളും സമരക്കാർ ഇടപെട്ട് അടപ്പിച്ചു. എന്നാൽ…
സംസ്ഥാനത്ത് ഇന്നും അത്യുഷ്ണ മുന്നറിയിപ്പ്. വയനാടും ഇടുക്കിയും ഒഴികെ ഇല്ലായിടത്തും മുന്നറിയിപ്പ് തുടരുന്നു. കൊടും വേനലിന് ആശ്വാസമായി നാളെ മുതൽ…
മുണ്ടക്കയം: ലോക തൊഴിലാളി ദിനത്തോടനുബന്ധിച്ച് സിഐടിയു കാഞ്ഞിരപ്പള്ളി ഏരിയാ കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന മെയ്ദിന റാലിയും പൊതുസമ്മേളനവും മെയ് ഒന്നിന്…
മുണ്ടക്കയം: സി.എസ്.ഐ മധ്യകേരള മഹായിടവകയിലെ മുണ്ടക്കയം ഹോളി ട്രിനിറ്റി പള്ളിയുടെ 175-ാം വാർഷികാഘോഷങ്ങളുടെ ഭാഗമായി നിർമ്മിച്ച ഭവനപദ്ധതിയുടെ സമർപ്പണം നാളെ…
കോട്ടയം: മാഞ്ഞൂരിൽ പുലർച്ചെ റോഡിലൂടെ നടന്നുപോവുകയായിരുന്ന വീട്ടമ്മയെ സ്കൂട്ടർ ഇടിപ്പിച്ചു വീഴ്ത്തിയ ശേഷം കത്തികാട്ടി ഭീഷണിപ്പെടുത്തി മാല കവർന്നു. മാഞ്ഞൂർ…