മുണ്ടക്കയത്തെ ചുമട്ടു തൊഴിലാളിയുടെ സത്യസന്ധത: ഒരു ലക്ഷം രൂപയുടെ ഡയമണ്ട് വള ഉടമസ്ഥന് തിരികെ ലഭിച്ചു: ‘കേരള ടുഡേ’ നൽകിയ വാർത്തയാണ് ഉടമയെ കണ്ടെത്താൻ സഹായിച്ചത്

മുണ്ടക്കയം: വഴിയരികിൽ നിന്നും ലഭിച്ച ഒരു ലക്ഷം രൂപയോളം വിലവരുന്ന ഡയമണ്ട് വള ചുമട്ടു തൊഴിലാളിയുടെ സത്യസന്ധതയിലൂടെ ഉടമസ്ഥന് തിരികെ ലഭിച്ചു. വള നഷ്ടമായതിനെക്കുറിച്ച് ‘കേരള ടുഡേ’ നൽകിയ വാർത്തയാണ് ഉടമയെ കണ്ടെത്താൻ സഹായിച്ചത്.

മുണ്ടക്കയം വണ്ടൻപതാൽ സ്വദേശിയായ ചുമട്ടു തൊഴിലാളി ബിബിന് വിലയേറിയ ഡയമണ്ട് വള ലഭിച്ചത്. ലഭിച്ച ഉടൻ തന്നെ ഇദ്ദേഹം വിവരം അധികൃതരെ അറിയിക്കുകയും കൈമാറാൻ ശ്രമിക്കുകയും ചെയ്തു.

വള നഷ്ടപ്പെട്ടത് പാലൂർക്കാവ് സ്വദേശിനിയായ റിയയ്‌ക്കായിരുന്നു. ഇന്നലെ ഉച്ചയ്ക്ക് ശേഷമാണ് റിയയ്ക്ക് വള നഷ്ടപ്പെട്ടത്. വള നഷ്ടമായ വിവരം കേരള ടുഡേ വാർത്തയായി നൽകിയിരുന്നു. ഈ വാർത്ത കണ്ടതിനെ തുടർന്നാണ് ബിബിൻ വള പാലൂർക്കാവ് സ്വദേശിനിയുടെ ആണന്ന് മനസിലാക്കുകയും ഉടൻ ഫോൺ നമ്പരിൽ ബന്ധപ്പെടുകയും ചെയ്തത്. ഉടൻ മുണ്ടക്കയം പോലീസ് സ്റ്റേഷൻ എസ് ഐ വിപിൻ സർ വിവരം അറിയിക്കുകയും ചെയ്തു

തൊഴിലാളിയുടെ സത്യസന്ധതയെയും കേരള ടുഡേ ഇടപെടലിനെയും റിയയും കുടുംബാംഗങ്ങളും അഭിനന്ദിച്ചു.