പാറത്തോട്: 2026-27 വാർഷിക പദ്ധതിയുടെ ഭാഗമായി പാറത്തോട് ഗ്രാമപഞ്ചായത്ത് വികസന സെമിനാർ സംഘടിപ്പിച്ചു. പഞ്ചായത്ത് കോൺഫറൻസ് ഹാളിൽ നടന്ന ചടങ്ങിൽ അഡ്വ. സെബാസ്റ്റ്യൻ കുളത്തുങ്കൽ എം.എൽ.എ സെമിനാർ ഉദ്ഘാടനം ചെയ്തു. പഞ്ചായത്ത് പ്രസിഡന്റ് അന്നമ്മ വർഗീസ് അധ്യക്ഷത വഹിച്ചു.
പദ്ധതി തുകയായ 7,45,04,000 (ഏഴ് കോടി നാൽപ്പത്തഞ്ച് ലക്ഷത്തി നാലായിരം) രൂപയുടെ ഒരു ശതമാനം വീതം എല്ലാ വർഷവും ഇന്നവേറ്റീവ് പദ്ധതികൾക്കായി മാറ്റിവയ്ക്കണമെന്ന് സെമിനാറിൽ നിർദ്ദേശമുയർന്നു. പ്രാദേശിക വികസനത്തോടൊപ്പം ജനങ്ങളുടെ തൊഴിൽപരവും ശാരീരികവുമായ ഉന്നമനം ലക്ഷ്യമിട്ടുള്ള നിരവധി പുതിയ പദ്ധതികളാണ് ഇത്തവണ ചർച്ചയായത്.
പ്രധാന നിർദ്ദേശങ്ങൾ:
• നീന്തൽ പരിശീലനം: പി.എസ്.സി പരീക്ഷാർത്ഥികൾക്ക് സർട്ടിഫിക്കറ്റ് നിർബന്ധമാക്കിയ സാഹചര്യത്തിൽ പ്രത്യേക നീന്തൽ പരിശീലന പദ്ധതി.
• ആരോഗ്യവും കായികവും: വയോജനങ്ങൾക്കും യുവാക്കൾക്കുമായി ഓപ്പൺ ജിമ്മുകൾ, കുട്ടികൾക്കായി കായിക പരിശീലനം, ഹെൽത്ത് ക്ലബ്ബുകൾ.
• വനിതാ ശാക്തീകരണം: ടൂവീലർ ഡ്രൈവിംഗ് പരിശീലനം, സ്വയംതൊഴിൽ ലക്ഷ്യമിട്ട് കൂൺ കൃഷി പരിശീലനം.
• സാംസ്കാരികം: പഞ്ചായത്ത് ഓഫീസിൽ പുതിയ ലൈബ്രറി, കലാ-കായിക മത്സരങ്ങളിൽ വിജയിക്കുന്ന വിദ്യാർത്ഥികൾക്ക് പഞ്ചായത്ത് തലത്തിൽ അനുമോദനം.
• പരിസ്ഥിതി: തോടുകളിൽ അടിഞ്ഞുകൂടിയ മണ്ണും മണലും നീക്കം ചെയ്യാനുള്ള നടപടികൾ.
ഇടക്കുന്നം സി.എസ്.ഐ ഊരുകൂട്ടത്തിന് അംബേദ്കർ ഗ്രാമം പദ്ധതിയിൽ ഉൾപ്പെടുത്തി ഒരു കോടി രൂപ അനുവദിച്ചതായി എം.എൽ.എ അറിയിച്ചു.
വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ വിഭന്യ വിജയൻ പദ്ധതിരേഖ അവതരിപ്പിച്ചു. വൈസ് പ്രസിഡന്റ് ഡയസ് കോക്കാട്ട്, ആസൂത്രണ സമിതി ഉപാധ്യക്ഷൻ കെ.ജെ. തോമസ് കട്ടയ്ക്കൻ, സ്റ്റാൻഡിംഗ് കമ്മിറ്റി ചെയർമാന്മാരായ അബ്ദുൽ അസീസ്, മേഴ്സി സെബാസ്റ്റ്യൻ എന്നിവർ സംസാരിച്ചു.
മെമ്പർമാരായ സരിത പ്രസാദ്, സജി കുരീക്കാട്ട്, വിജയമ്മ വിജയലാൽ, സുമീന അലിയാർ, രഞ്ജിത്ത് വി.റ്റി, മാർട്ടിൻ തോമസ്, ഫിലോമിന റെജി, നിഷാമോൾ കെ.കെ, ബിജോജി തോമസ്, എം.കെ. മോഹനൻ, രേണുക സാബു, വി.എം. ഷാജഹാൻ, ജോസഫ് മാത്യു, വിൻസെന്റ് മാത്യു, ജാക്വിലിൻ സെബാസ്റ്റ്യൻ, സൈമ സഹീർ, പഞ്ചായത്ത് സെക്രട്ടറി എസ്. റാണി, ആസൂത്രണ സമിതി അംഗങ്ങൾ, വിവിധ വർക്കിംഗ് ഗ്രൂപ്പ് അംഗങ്ങൾ എന്നിവർ പങ്കെടുത്തു.
മുണ്ടക്കയം: ഫുട്ബോൾ ലോകകപ്പ് ആവേശത്തിന് മുന്നോടിയായി മുണ്ടക്കയം നെന്മേനിയിലെ അർജന്റീന ആരാധകർ തീർത്തത് കാഴ്ചകളുടെ വിസ്മയം. പ്രിയപ്പെട്ട താരങ്ങളുടെയും ടീമിന്റെയും…
മുണ്ടക്കയം: വിദ്യാഭ്യാസ, സാമൂഹിക, സാംസ്കാരിക മേഖലകളിൽ മികച്ച നേട്ടം കൈവരിച്ചവരെ ആദരിക്കുന്നതിനായി കേരള ടുഡേ ന്യൂസ് സംഘടിപ്പിച്ച 'എക്സലൻസ് അവാർഡ്'…
പെരുവന്താനം: സ്ത്രീകളുടെ സാമൂഹിക മുന്നേറ്റത്തിനും സാമ്പത്തിക സ്വാതന്ത്ര്യത്തിനും കരുത്തേകുന്ന കെഎസ്ആർടിസിയുടെ 'പ്രിയദർശിനി' സൗജന്യ ബസ് യാത്രാ പദ്ധതിക്ക് പെരുവന്താനത്ത് വിപുലമായ…
മുണ്ടക്കയം: കെഎസ്ആർടിസിയുടെ പ്രിയദർശിനി സൗജന്യ ബസ് സർവീസിനെ സ്വാഗതം ചെയ്തും പിന്തുണ അറിയിച്ചും മുണ്ടക്കയം യുഡിഎഫ് മണ്ഡലം കമ്മിറ്റിയുടെ നേതൃത്വത്തിൽ…
ഇത് ഒരു സെലിബ്രിറ്റിയുടെ കഥയല്ല. വെളിച്ചത്തിനും പ്രശസ്തിക്കും വേണ്ടി മുന്നിൽ നിൽക്കാത്ത, നമ്മുടെ നാട്ടിലെ ഒരു സാധാരണക്കാരന്റെ, എന്നാൽ അസാധാരണമായ…
മുണ്ടക്കയം: മുണ്ടക്കയം ഗവൺമെന്റ് ആശുപത്രിയിൽ രാത്രികാല ചികിത്സാ സേവനം ഒരാഴ്ചത്തേക്ക് തടസ്സപ്പെടുമെന്ന് അധികൃതർ അറിയിച്ചു. കാഞ്ഞിരപ്പള്ളി ബ്ലോക്ക് പഞ്ചായത്ത് പ്രത്യേകമായി…