ഡൽഹി : ആരോഗ്യ മന്ത്രിക്കെതിരായ പ്രതിഷേധത്തിൻ്റെയും പ്രതിഷേധം കാരണം മന്ത്രി ആശുപത്രിയിലായതിൻ്റെയും പശ്ചാതലത്തിൽ കോൺഗ്രസ് – സിപിഎം വാക്പോര് മുറുകുന്നു .
കേരളത്തിന്റെ പൊതുആരോഗ്യ സംവിധാനം ഗുരുതര പ്രതിസന്ധിയിലാണെന്നും, ഇതിന് ആരോഗ്യമന്ത്രി വീണ ജോർജ് രാഷ്ട്രീയവും ഭരണപരവുമായ ഉത്തരവാദിത്വം ഏറ്റെടുക്കണമെന്നും എ.ഐ.സി.സി ജോയിന്റ് സെക്രട്ടറി മാത്യു ആന്റണി ആവശ്യപ്പെട്ടു. കഴിഞ്ഞ കുറച്ച് വർഷങ്ങളിലായി ആരോഗ്യരംഗത്തിൽ ഉണ്ടായ സംഭവങ്ങൾ ആശങ്കജനകമാണെന്നും അദ്ദേഹം പറഞ്ഞു.
43 മെഡിക്കൽ അനാസ്ഥ കേസുകളാണ് റിപ്പോർട്ട് ചെയ്തതെന്ന് അദ്ദേഹം ചൂണ്ടിക്കാട്ടി . ശസ്ത്രക്രിയയ്ക്കിടെ രോഗിയുടെ ശരീരത്തിനുള്ളിൽ ശസ്ത്രോപകരണം അവശേഷിച്ച സംഭവം, പ്രസവശേഷം യുവതിയുടെ ശരീരത്തിൽ തുണിത്തുണ്ട് കണ്ടെത്തിയ സംഭവം, ചികിത്സാ പിഴവിനെ തുടർന്ന് ഒൻപത് വയസ്സുകാരിക്ക് കൈമുട്ട് ഭാഗം നഷ്ടമായ സംഭവം തുടങ്ങിയവ വലിയ ആശങ്ക ഉയർത്തിയതായി അദ്ദേഹം ചൂണ്ടിക്കാട്ടി.
മനുഷ്യജീവിതങ്ങളെ ബാധിച്ച സംഭവങ്ങളാണ് ഇതെല്ലാമെന്ന് കോൺഗ്രസ് ദേശീയ വക്താവ് കൂടിയായ അദ്ദേഹം വ്യക്തമാക്കി.
സിഎജി റിപ്പോർട്ടിൽ സർക്കാർ ആശുപത്രികളിൽ ഡോക്ടർമാരുടെയും നഴ്സുമാരുടെയും കുറവ്, മരുന്നുകളും ഉപകരണങ്ങളും ലഭ്യമല്ലാത്ത സ്ഥിതി എന്നിവ വ്യക്തമാക്കിയതായി അദ്ദേഹം പറഞ്ഞു. ചില രക്തബാങ്കുകൾ ആവശ്യമായ ലൈസൻസില്ലാതെ പ്രവർത്തിച്ചതും നിർബന്ധാനുമതികളില്ലാതെ ചില ഉപകരണങ്ങൾ ഉപയോഗിച്ചതും റിപ്പോർട്ടിൽ പരാമർശിച്ചിട്ടുണ്ടെന്നും അദ്ദേഹം ആരോപിച്ചു.
സ്റ്റാഫ് കുറവും കുടിശ്ശിക പ്രശ്നങ്ങളും കാരണം ഡോക്ടർമാർ തന്നെ പ്രതിഷേധത്തിലിറങ്ങിയ സാഹചര്യം ഉണ്ടായിരുന്നുവെന്നും മാത്യു ആന്റണി പറഞ്ഞു. സർക്കാർ ആശുപത്രിക്കുള്ളിൽ യുവ ഡോക്ടർ വന്ദന ദാസ് കൊല്ലപ്പെട്ട സംഭവം ആരോഗ്യ സ്ഥാപനങ്ങളിലെ സുരക്ഷാ സംവിധാനത്തെക്കുറിച്ചുള്ള വലിയ ചോദ്യങ്ങൾ ഉയർത്തിയെന്നും അദ്ദേഹം കൂട്ടിച്ചേർത്തു.
മന്ത്രി ഏറ്റെടുത്തത് തകർന്ന ഒരു സംവിധാനമല്ല, പതിറ്റാണ്ടുകളുടെ പരിശ്രമത്തിൽ വളർന്ന ശക്തമായ ആരോഗ്യ സംവിധാനമാണെന്ന് മാത്യു ആന്റണി ചൂണ്ടിക്കാട്ടി .അത് നിലനിർത്താനും മെച്ചപ്പെടുത്താനും കഴിഞ്ഞില്ലെന്ന് മാത്രമല്ല പകരം അനാസ്ഥയാണ് സംഭവിച്ചത് അദ്ദേഹം ആരോപിച്ചു.
ആരോഗ്യരംഗത്തിലെ പ്രശ്നങ്ങൾ മറച്ചുവെക്കാൻ കഴിയില്ലെന്നും, കേരളത്തിലെ ജനങ്ങൾ സത്യാവസ്ഥ തിരിച്ചറിയുമെന്നും മാത്യു ആന്റണി പറഞ്ഞു. “ജനങ്ങളാണ് അന്തിമ വിധികർത്താക്കൾ. ആരോഗ്യരംഗത്തെ അവസ്ഥ അവർ വിലയിരുത്തും,” അദ്ദേഹം കൂട്ടിച്ചേർത്തു.
സംസ്ഥാനത്തിന്റെ ആരോഗ്യ പൈതൃകം സംരക്ഷിക്കാൻ അടിയന്തരവും ഫലപ്രദവുമായ നടപടികൾ ആവശ്യമാണ് എന്നും അദ്ദേഹം പറഞ്ഞു.
കേരളത്തിലെ ആരോഗ്യവകുപ്പ് അടിയന്തര മാറ്റം വരുത്തേണ്ട സമയത്ത് മന്ത്രി വീണയുടെ ഈ അഭിനയ പാsവം , റോമാ നഗരം കത്തി ചാമ്പലാ യപ്പോൾ വീണ വായന നടത്തിയ നീറോ രാജാവിൻ്റെ പ്രവർത്തിയിലും ഹീനമായ ജനനിന്ദയാണ് എന്ന് അഡ്വ : മാത്യു ആന്റണി പറഞ്ഞു
മുണ്ടക്കയം: മുണ്ടക്കയം ടൗണിലും ബസ് സ്റ്റാൻഡ് പരിസരത്തും മദ്യപിച്ചെത്തുന്ന ചില ഓട്ടോ ഡ്രൈവർമാരുടെ ഗുണ്ടായിസം വർദ്ധിക്കുന്നതായി പരാതി. കഴിഞ്ഞദിവസം രാത്രി…
മുണ്ടക്കയം: മുണ്ടക്കയം ടൗണിൽ നടന്ന ഹർത്താൽ/സമരം പൂർണ്ണവിജയം. ടൗണിലെ ബാങ്കുകളും മറ്റ് സ്വകാര്യ സ്ഥാപനങ്ങളും സമരക്കാർ ഇടപെട്ട് അടപ്പിച്ചു. എന്നാൽ…
സംസ്ഥാനത്ത് ഇന്നും അത്യുഷ്ണ മുന്നറിയിപ്പ്. വയനാടും ഇടുക്കിയും ഒഴികെ ഇല്ലായിടത്തും മുന്നറിയിപ്പ് തുടരുന്നു. കൊടും വേനലിന് ആശ്വാസമായി നാളെ മുതൽ…
മുണ്ടക്കയം: ലോക തൊഴിലാളി ദിനത്തോടനുബന്ധിച്ച് സിഐടിയു കാഞ്ഞിരപ്പള്ളി ഏരിയാ കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന മെയ്ദിന റാലിയും പൊതുസമ്മേളനവും മെയ് ഒന്നിന്…
മുണ്ടക്കയം: സി.എസ്.ഐ മധ്യകേരള മഹായിടവകയിലെ മുണ്ടക്കയം ഹോളി ട്രിനിറ്റി പള്ളിയുടെ 175-ാം വാർഷികാഘോഷങ്ങളുടെ ഭാഗമായി നിർമ്മിച്ച ഭവനപദ്ധതിയുടെ സമർപ്പണം നാളെ…
കോട്ടയം: മാഞ്ഞൂരിൽ പുലർച്ചെ റോഡിലൂടെ നടന്നുപോവുകയായിരുന്ന വീട്ടമ്മയെ സ്കൂട്ടർ ഇടിപ്പിച്ചു വീഴ്ത്തിയ ശേഷം കത്തികാട്ടി ഭീഷണിപ്പെടുത്തി മാല കവർന്നു. മാഞ്ഞൂർ…