കർഷക വിരുദ്ധ നിയമങ്ങൾ പൊളിച്ചെഴുതണം : പ്രൊഫ. ലോപ്പസ് മാത്യു

  കൂട്ടിക്കൽ :കേന്ദ്ര-സംസ്ഥാന സർക്കാരുകൾ പതിറ്റാണ്ടുകളായി നടപ്പാക്കി വരുന്ന കർഷക വിരുദ്ധ നിയമങ്ങൾ കാലോചിതമായി പരിഷ്ക്കരിക്കണമെന്ന് കേരളാ കോൺഗ്രസ്സ് (എം) കോട്ടയം ജില്ലാ പ്രസിഡന്റ് പ്രൊഫ. ലോപ്പസ് മാത്യു ആവശ്യപ്പെട്ടു. വന്യമൃഗ ആക്രമണം, ബഫർസോൺ പ്രശ്നം, തെരുവ്നായശല്യം തുടങ്ങി സാധാരണക്കാരെ ബാധിക്കുന്ന വിഷയങ്ങളിൽ വിട്ടുവീഴ്ചയില്ലാത്ത നിലപാടുമായി പാർട്ടി മുന്നോട്ട് പോകണമെന്ന് അദ്ദേഹം പറഞ്ഞു. കൂട്ടിക്കൽ സെന്റ് മേരീസ് ഓഡിറ്റോറിയത്തിൽ നടന്ന കേരളാ കോൺഗ്രസ്സ് (എം) കൂട്ടിക്കൽ മണ്ഡലം കൺവൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മണ്ഡലം പ്രസിഡന്റ് ബിജോയ് ജോസ് മുണ്ടുപാലം അദ്ധ്യക്ഷത വഹിച്ച സമ്മേളനത്തിൽ ആദ്യകാല പാർട്ടി പ്രവർത്തകരെ അഡ്വ.സെബാസ്റ്റ്യൻ കുളത്തുങ്കൽ എം എൽ എ ആദരിച്ചു. കേരളാ കോൺഗ്രസ്സ് (എം) സംസ്ഥാന ജനറൽ സെക്രട്ടറി ജോർജ്ജ്കുട്ടി ആഗസ്തി, നിയോജക മണ്ഡലം പ്രസിഡന്റ് അഡ്വ. സാജൻ കുന്നത്ത്, ജില്ലാ സെക്രട്ടറി ജോണിക്കുട്ടി മഠത്തിനകം, മണ്ഡലം നേതാക്കന്മാരായ പി സി സൈമൺ, കെ എസ് മോഹനൻ, ജെസ്സി ജോസ്, വി വി സോമൻ, ബീനാ ഷാലറ്റ്, ബേബി ആറ്റുചാലിൽ, ജോയി കളരിക്കൽ, എൽജോ സെബാസ്റ്റ്യൻ, ലിബിൻ ബിജോയ്, ജോസഫ് അറയ്ക്കപ്പറമ്പിൽ, പയസ് വാലുന്മേൽ, ജോയിസ് കാറ്റാടിയിൽ, പി. പി. രാജപ്പൻ, സെബാസ്റ്റ്യൻ കയ്യൂന്നുപാറ, സജി തടവനാൽ, ജിജോ മാടപ്പള്ളൽ, ടോമി വെള്ളാത്തോട്ടം, അഷറഫ് കൊല്ലംപറമ്പിൽ, ബിനു മുഞ്ഞനാട്ട്, രാജു കുന്നുംപുറം, ജോസ് പറമ്പിൽ, മിനി അരിമറ്റം, ശ്രീകുമാർ പറത്താനം, ഇബ്രാഹിം ചിങ്കിയിൽ, ബേബി കോന്തിയാമഠം, ശ്രീനിവാസൻ മംഗലത്ത് തുടങ്ങിയവർ സംസാരിച്ചു. സമ്മേളനത്തിന് മുന്നോടിയായി കൂട്ടിക്കൽ ടൌണിൽ നൂറുകണക്കിന് പ്രവർത്തകർ പങ്കെടുത്ത റാലിയും ഉണ്ടായിരുന്നു.