വാഴൂര് ബ്ലോക്ക് പഞ്ചായത്ത് വികസന രേഖ പ്രകാശനവും വിവിധ പദ്ധതികളുടെ ഉത്ഘാടാനവും മന്ത്രി റോഷി അഗസ്റ്റിന് നിര്വഹിച്ചു
കോട്ടയം: വാഴൂര് ബ്ലോക്ക്പഞ്ചായത്ത് 2020-25 വര്ഷം നടപ്പാക്കിയവിവിധ വികസന പ്രവര്ത്തനങ്ങളുടെ ഉത്ഘാടനവും വികസന രേഖ പ്രകാശനവും ജലവിഭവ വകുപ്പ് മന്ത്രി റോഷി അഗസ്റ്റിന് നിര്വഹിച്ചു. പൊന്കുന്നം രാജേന്ദ്ര മൈതാനത്ത് നടന്ന പരിപാടിയില് വാഴൂര് ബ്ലോക്ക് പ്രസിഡന്റ് മുകേഷ് കെ.മണി അധ്യക്ഷത വഹിച്ചു.
ജില്ലാ പഞ്ചായത്ത് പ്രസിഡന്റ് ഹേമലത പ്രേം സാഗര്, ബ്ലോക്ക് പഞ്ചായത്ത് വൈസ് പ്രസിഡന്റ് ഗീതാ എസ്.പിള്ള, ചിറക്കടവ് ഗ്രാമപഞ്ചായത്ത് പ്രസിഡന്റ് സി.ആര്.ശ്രീകുമാര്, ജില്ലാ പഞ്ചായത്ത് അംഗം ടി.എന്.ഗിരീഷ് കുമാര്, വാഴൂര് ബ്ലോക്ക് പഞ്ചായത്ത് അംഗങ്ങളായ ഷാജി പാമ്പൂരി, ലതാ ഷാജന്, പി.എം.ജോണ്, ബി.രവീന്ദ്രന് നായര്, വര്ഗീസ് ജോസഫ്, ചിറക്കടവ് ഗ്രാമപഞ്ചായത്ത് അംഗങ്ങളായ ശ്രീലത സന്തോഷ് ,അഡ്വ. ജയാ ശ്രീധര്, എം.ജി.വിനോദ് ,കാഞ്ഞിരപ്പള്ളി ജനറല് ആശുപത്രി സൂപ്രണ്ട് സാവന് സാറാ മാത്യു, ബി.ഡി.ഒ പി.എന് ഗീത എന്നിവര് പങ്കെടുത്തു.അഞ്ചുവർഷത്തെ വികസന പ്രവർത്തനങ്ങൾ സോഷ്യൽ ഓഡിറ്റിനു വിധേയമാക്കിയത് അഴിമതിരഹിതമായി വികസന പ്രവർത്തനങ്ങൾ നടത്തിയതുകൊണ്ടാണെന്നും ഇത് മാതൃകാപരമാണെന്നും ജലവിഭവ വകുപ്പുമന്ത്രി റോഷി അഗസ്റ്റിൻ പ്രസ്താവിച്ചു.
കാഞ്ഞിരപ്പള്ളി ജനറൽ ആശുപത്രിയുടെയും മറ്റ് 2 കുടുംബാരോഗ്യ കേന്ദ്രങ്ങളുടെ വികസന പ്രവർത്തനങ്ങൾ പരാതികളില്ലാതെ നടത്തുവാൻ കഴിയുന്നത് വാഴൂർ പഞ്ചായത്തിൻ്റെ ഇച്ഛാശക്തികൊണ്ടാണെന്നും മന്ത്രി പറഞ്ഞു.
