കാഞ്ഞിരപ്പള്ളി: സാങ്കേതിക വിദ്യകളിലെ പുത്തൻ സാധ്യതകളെക്കുറിച്ച് വിദ്യാർത്ഥികളിൽ അവബോധം വളർത്തുകയെന്ന ലക്ഷ്യത്തോടെ ആനക്കല്ല് സെന്റ് ആന്റണീസ് പബ്ലിക് സ്കൂളിൽ ടെക് ടോക്ക് പരമ്പരയ്ക്ക് തുടക്കം കുറിച്ചു. റൂബി ജൂബിലി ആഘോഷങ്ങളുടെ ഭാഗമായാണ് പ്രമുഖ വ്യക്തികൾ നയിക്കുന്ന പ്രഭാഷണ പരമ്പരയ്ക്ക് തുടക്കം കുറിച്ചത്.
പ്രശസ്ത ശാസ്ത്രജ്ഞനും മഹാത്മാഗാന്ധി സർവ്വകലാശാല മുൻ വൈസ് ചാൻസലറുമായ ഡോ. സാബു തോമസ് ഉദ്ഘാടനം നിർവ്വഹിച്ചു. നാനോ ടെക്നോളജിയും ഭാവി സാങ്കേതിക വിദ്യകളും എന്ന വിഷയത്തിൽ അദ്ദേഹം അധ്യാപകരെയും വിദ്യാർത്ഥികളെയും അഭിസംബോധന ചെയ്ത് പ്രസംഗിച്ചു.
നാനോ വൈപ്, ജീൻ എഡിറ്റിംഗ്, കെമിക്കൽ എഞ്ചിനീയറിംഗ്, എയറോ സ്പേസ്, മെഡിക്കൽ സയൻസ് എന്നീ മേഖലകളിൽ നാനോ ടെക്നോളജിയുടെ പ്രാധാന്യം, ഇതുമൂലം ലോകത്തിന് വന്ന മാറ്റങ്ങൾ, ലോകത്തിന്റെ സമ്പദ് വ്യവസ്ഥയിൽ നാനോ ടെക്നോളജിയുടെ പങ്ക് തുടങ്ങി വിവിധ വിഷയങ്ങളെക്കുറിച്ച് അദ്ദേഹം വിദ്യാർത്ഥികളെ ബോധവത്കരിച്ചു. നാനോ സയൻസിന്റെ അതിവേഗം വികസിച്ചുകൊണ്ടിരിക്കുന്ന ലോകത്തെക്കുറിച്ചും വിവിധ മേഖലകളിലെ ഭാവി കണ്ടുപിടുത്തങ്ങളെ രൂപപ്പെടുത്തുന്നതിൽ അതിന്റെ പങ്കിനെക്കുറിച്ചുമുള്ള അദ്ദേഹത്തിന്റെ പ്രഭാഷണം വിദ്യാർത്ഥികൾക്ക് വിലപ്പെട്ട ഉൾക്കാഴ്ചകൾ നൽകി.
സമ്മേളനത്തിൽ മാനേജർ റവ. ഫാ. ജോസഫ് പൊങ്ങന്താനത്ത്, പ്രിൻസിപ്പാൾ ഫാ. ആന്റണി തോക്കനാട്ട്, വൈസ് പ്രിൻസിപ്പാൾ ഫാ. ഷിജു കണ്ടപ്ലാക്കൽ , പി.റ്റി.എ. പ്രസിഡന്റ് ജോസ് ആന്റണി എന്നിവർ പ്രസംഗിച്ചു. വിദ്യാർത്ഥികളിൽ ശാസ്ത്രീയാവബോധം വളർത്തുക എന്ന ലക്ഷ്യത്തോടെയാണ് പരിപാടികൾ സംഘടിപ്പിക്കുന്നതെന്ന് പ്രിൻസിപ്പാൾ അറിയിച്ചു.
മുണ്ടക്കയം: മുണ്ടക്കയം ടൗണിലും ബസ് സ്റ്റാൻഡ് പരിസരത്തും മദ്യപിച്ചെത്തുന്ന ചില ഓട്ടോ ഡ്രൈവർമാരുടെ ഗുണ്ടായിസം വർദ്ധിക്കുന്നതായി പരാതി. കഴിഞ്ഞദിവസം രാത്രി…
മുണ്ടക്കയം: മുണ്ടക്കയം ടൗണിൽ നടന്ന ഹർത്താൽ/സമരം പൂർണ്ണവിജയം. ടൗണിലെ ബാങ്കുകളും മറ്റ് സ്വകാര്യ സ്ഥാപനങ്ങളും സമരക്കാർ ഇടപെട്ട് അടപ്പിച്ചു. എന്നാൽ…
സംസ്ഥാനത്ത് ഇന്നും അത്യുഷ്ണ മുന്നറിയിപ്പ്. വയനാടും ഇടുക്കിയും ഒഴികെ ഇല്ലായിടത്തും മുന്നറിയിപ്പ് തുടരുന്നു. കൊടും വേനലിന് ആശ്വാസമായി നാളെ മുതൽ…
മുണ്ടക്കയം: ലോക തൊഴിലാളി ദിനത്തോടനുബന്ധിച്ച് സിഐടിയു കാഞ്ഞിരപ്പള്ളി ഏരിയാ കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന മെയ്ദിന റാലിയും പൊതുസമ്മേളനവും മെയ് ഒന്നിന്…
മുണ്ടക്കയം: സി.എസ്.ഐ മധ്യകേരള മഹായിടവകയിലെ മുണ്ടക്കയം ഹോളി ട്രിനിറ്റി പള്ളിയുടെ 175-ാം വാർഷികാഘോഷങ്ങളുടെ ഭാഗമായി നിർമ്മിച്ച ഭവനപദ്ധതിയുടെ സമർപ്പണം നാളെ…
കോട്ടയം: മാഞ്ഞൂരിൽ പുലർച്ചെ റോഡിലൂടെ നടന്നുപോവുകയായിരുന്ന വീട്ടമ്മയെ സ്കൂട്ടർ ഇടിപ്പിച്ചു വീഴ്ത്തിയ ശേഷം കത്തികാട്ടി ഭീഷണിപ്പെടുത്തി മാല കവർന്നു. മാഞ്ഞൂർ…