പെരുവന്താനം കൊടികുത്തിയിൽ വീണ്ടും പശുവിന്റെ അവശിഷ്ടങ്ങൾ പുലിയെന്നു നാട്ടുകാർ

കൊടികുത്തി പരിസൺ കമ്പനി തോട്ടത്തിന്റെ നാലാം കാട്ടിലാണ് പശുവിന്റെ ജഡം കണ്ടത്. മാംസം പൂർണമായി ഭക്ഷിച്ച നിലയിലാണ്. പുലി ഭക്ഷിച്ചു ഉപേക്ഷിച്ചതാണ് അവശിഷ്ടമെന്ന് കരുതുന്നു.. രണ്ടു രണ്ടു മാസം മുൻപ് ഇവിടെ അടുത്ത് ഒൻപതാഠ കാട്ടിൽ പശുവിന്റെ പാതി ഭക്ഷിച്ച നിലയിൽ ജഡം കണ്ടെത്തിയിരുന്നു. വനപാലകർ നടത്തിയ പരിശോധനയിൽ പുലിയാണന്ന് തിരിച്ചറിയും തുടർ പരിശോധന നടത്തിയെങ്കിലും പുലിയെ കണ്ടെത്താനായില്ല. ഇങ്ങനെയിരിക്കെയാണ് തിങ്കളാഴ്ച രാവിലെ ടാപ്പിങ് തൊഴിലാളി പശുവിന്റെ അവശിഷ്ടം കണ്ടത്.4 മാസം മുൻപ് തൊട്ടടുത്ത പ്രദേശമായ കുറ്റിപ്ലാങ്ങാട് പുലിയെ കണ്ടത് വനപാലകർ സ്ഥിരീകരിച്ചത്. മേഖലയിൽ പുലിയുടെ സന്നിധ്യം തുടർച്ചയായതോടെ തൊഴിലാളികളടക്കം നാട്ടുകാർ ഭീതിയിലാണ്