Categories: Uncategorized

കാരുണ്യത്തിന്റെ തണലായി പെരുനാട് ‘ബദനി’ സ്പർശം: ശബരിമല ഡ്യൂട്ടി കഴിഞ്ഞെത്തിയ ഉദ്യോഗസ്ഥർക്ക് തുണയായി മത്തായി അച്ചൻ

പത്തനംതിട്ട: മണ്ഡലകാല ഡ്യൂട്ടി കഴിഞ്ഞ് മടങ്ങിയ ഫയർ ആൻഡ് റെസ്‌ക്യു ഉദ്യോഗസ്ഥർക്ക് തണലായി പെരുനാട് ബദനി ആശ്രമത്തിലെ മത്തായി അച്ചൻ. ശാരീരിക അസ്വസ്ഥതകളാൽ വലഞ്ഞ ഉദ്യോഗസ്ഥന് സൗജന്യ ചികിത്സയും സ്നേഹ പരിചരണവും നൽകി മാതൃകയായിരിക്കുകയാണ് ഈ പുരോഹിതനും ആശ്രമത്തിലെ ജീവനക്കാരും.

കഴിഞ്ഞ ജനുവരി 20-നായിരുന്നു സംഭവം. ശബരിമല സന്നിധാനത്തെ സേവനം കഴിഞ്ഞ് ആലപ്പുഴ യൂണിറ്റിലെ ഉദ്യോഗസ്ഥർ മടങ്ങുകയായിരുന്നു. പമ്പയിൽ നിന്നും രാവിലെ 8 മണിയോടെ പുറപ്പെട്ട സംഘം പ്ലാപ്പള്ളിയിൽ എത്തിയപ്പോൾ ഒരു ഉദ്യോഗസ്ഥന് കഠിനമായ ശാരീരിക ബുദ്ധിമുട്ടുകൾ അനുഭവപ്പെട്ടു. മലയിറക്കത്തിന്റെ ക്ഷീണവും അമിതമായ ഛർദ്ദിയും കാരണം ശരീരം തണുത്തു മരവിക്കുന്ന അവസ്ഥയിലെത്തി.

ജനവാസമില്ലാത്ത വനമേഖലയിൽ നിന്നും കിലോമീറ്ററുകളോളം സഞ്ചരിച്ച് സംഘം പെരുനാട് എത്തിയപ്പോഴാണ് ബദനി ഹോസ്പിറ്റൽ ശ്രദ്ധയിൽപ്പെട്ടത്. ഉടൻ തന്നെ രോഗിയെ അവിടെ പ്രവേശിപ്പിച്ചു.

“ദൈവത്തിന്റെ അടുക്കൽ നിന്ന് വരുന്നവരല്ലേ…”

ആശ്രമത്തിന്റെ കീഴിലുള്ള ഈ ചെറിയ ഡിസ്പെൻസറിയുടെ മേൽനോട്ടം വഹിക്കുന്നത് മത്തായി അച്ചനാണ്. മൂന്ന് മണിക്കൂറോളം നീണ്ട ചികിത്സയ്ക്കും കുത്തിവെയ്പ്പിനും ശേഷം ഉദ്യോഗസ്ഥന്റെ ആരോഗ്യനില മെച്ചപ്പെട്ടു. മടങ്ങാൻ നേരത്ത് ചികിത്സാ ബില്ല് അടയ്ക്കാൻ ചെന്ന ഉദ്യോഗസ്ഥരെ അച്ചന്റെ മറുപടി അതിശയിപ്പിച്ചു.

“നിങ്ങൾ ദൈവത്തിന്റെ അടുക്കൽ നിന്നും ജോലി കഴിഞ്ഞു വന്നവരല്ലേ… ഒരു പൈസയും വേണ്ട,” എന്നായിരുന്നു പുഞ്ചിരിയോടെയുള്ള അച്ചന്റെ മറുപടി.

ചികിത്സാ സൗജന്യത്തിന് അപ്പുറം, നിറഞ്ഞ സ്നേഹത്തോടെയും കരുതലോടും കൂടിയുള്ള അച്ചന്റെ പെരുമാറ്റം തങ്ങളെ ഏറെ സ്പർശിച്ചുവെന്ന് ഉദ്യോഗസ്ഥർ പറയുന്നു. “അസുഖം വന്നിട്ടല്ലെങ്കിലും ഇനി ഈ വഴി വരുമ്പോൾ വിശേഷങ്ങൾ പങ്കുവെക്കാൻ വരണമെന്ന്” പറഞ്ഞാണ് അച്ചൻ അവരെ യാത്രയാക്കിയത്.

സേവനമനോഭാവത്തിന്റെ പുതിയ മാതൃക തീർത്ത മത്തായി അച്ചനും ബദനി ഹോസ്പിറ്റലിലെ ജീവനക്കാർക്കും കേരള ടുഡേ ന്യൂസിന്റെ അഭിനന്ദനങ്ങൾ

josinjose55@gmail.com

Share
Published by
josinjose55@gmail.com

Recent Posts

വട്ടക്കാവിൽ മുണ്ടക്കയം പുഞ്ചവയൽ സ്വദേശിയുടെ ഓട്ടോറിക്ഷ 100 അടി താഴ്ചയിലേക്ക് മറിഞ്ഞു; ഡ്രൈവർ അത്ഭുതകരമായി രക്ഷപ്പെട്ടു

കാഞ്ഞിരപ്പള്ളി: വട്ടക്കാവ് റോഡിൽ സ്വകാര്യ വ്യക്തി തടി നീക്കം ചെയ്തതിനെത്തുടർന്ന് സംരക്ഷണ ഭിത്തി തകർന്ന ഭാഗത്ത് ഓട്ടോറിക്ഷ മറിഞ്ഞ് അപകടം.…

15 minutes ago

മുണ്ടക്കയം എം.എം.ടി ആശുപത്രിയിൽ മേയ് 1-ന് ഒ.പി വിഭാഗത്തിന് അവധി; ആശുപത്രിയിലെ അത്യാഹിത വിഭാഗം (Casualty) 24 മണിക്കൂറും പതിവുപോലെ പ്രവർത്തിക്കുമെന്ന് ഡയറക്ടർ അറിയിച്ചു

മുണ്ടക്കയം: ലോക തൊഴിലാളി ദിനത്തോടനുബന്ധിച്ച് മുണ്ടക്കയം എം.എം.ടി (MMT) ആശുപത്രിയുടെ ഒ.പി വിഭാഗത്തിന് 2026 മേയ് 1, വെള്ളിയാഴ്ച അവധി…

1 day ago

മുണ്ടക്കയം ടൗണിൽ രാത്രിയിൽ ലഹരിയിൽ സ്റ്റിയറിംഗ് പിടിച്ച് ഓട്ടോ ഡ്രൈവർ; മുണ്ടക്കയത്ത് യാത്രക്കാർ ഭീതിയിൽ…യാത്രക്കാരെ അസഭ്യം പറച്ചിലും കൈയ്യേറ്റവും; മുണ്ടക്കയത്തെ ‘മദ്യപൻ’ ഡ്രൈവർമാർക്കെതിരെ പോലീസ് കണ്ണ് തുറക്കണമെന്ന ആവശ്യം ശക്തം.

മുണ്ടക്കയം: മുണ്ടക്കയം ടൗണിലും ബസ് സ്റ്റാൻഡ് പരിസരത്തും മദ്യപിച്ചെത്തുന്ന ചില ഓട്ടോ ഡ്രൈവർമാരുടെ ഗുണ്ടായിസം വർദ്ധിക്കുന്നതായി പരാതി. കഴിഞ്ഞദിവസം രാത്രി…

3 days ago

മുണ്ടക്കയത്ത് സമരം പൂർണ്ണം; സ്ഥാപനങ്ങൾ അടപ്പിച്ചു, ‘ഫോട്ടോ തെളിവുമായി’ ജീവനക്കാർ വീട്ടിലേക്ക്, “സമരക്കാർ വന്നേ… നമുക്ക് വീട്ടിൽ പോകാമേ”; മുണ്ടക്കയത്ത് ജീവനക്കാർ തന്നെ സമരക്കാരെ വിളിച്ചുവരുത്തി സ്ഥാപനം അടപ്പിച്ചു!

മുണ്ടക്കയം: മുണ്ടക്കയം ടൗണിൽ നടന്ന ഹർത്താൽ/സമരം പൂർണ്ണവിജയം. ടൗണിലെ ബാങ്കുകളും മറ്റ് സ്വകാര്യ സ്ഥാപനങ്ങളും സമരക്കാർ ഇടപെട്ട് അടപ്പിച്ചു. എന്നാൽ…

3 days ago

സംസ്ഥാനത്ത് ഇന്നും കടുത്ത ചൂട്; നാളെ മുതൽ വേനൽ മഴ ശക്തമാകും: നാല് ജില്ലകളിൽ യെല്ലോ അലർട്ട്

സംസ്ഥാനത്ത് ഇന്നും അത്യുഷ്ണ മുന്നറിയിപ്പ്. വയനാടും ഇടുക്കിയും ഒഴികെ ഇല്ലായിടത്തും മുന്നറിയിപ്പ് തുടരുന്നു. കൊടും വേനലിന് ആശ്വാസമായി നാളെ മുതൽ…

5 days ago

മുണ്ടക്കയത്ത് സിഐടിയു മെയ്ദിന റാലിയും പൊതുസമ്മേളനവും മെയ് ഒന്നിന്

മുണ്ടക്കയം: ലോക തൊഴിലാളി ദിനത്തോടനുബന്ധിച്ച് സിഐടിയു കാഞ്ഞിരപ്പള്ളി ഏരിയാ കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന മെയ്ദിന റാലിയും പൊതുസമ്മേളനവും മെയ് ഒന്നിന്…

5 days ago