റാന്നി: തദ്ദേശ സ്വയംഭരണ തിരഞ്ഞെടുപ്പിലെ യുഡിഎഫിന്റെ ഉജ്ജ്വല മുന്നേറ്റം വരാനിരിക്കുന്ന നിയമസഭാ തിരഞ്ഞെടുപ്പിലും ആവർത്തിക്കുമെന്ന ഉറച്ച വിശ്വാസത്തിലാണ് കോൺഗ്രസ് പ്രവർത്തകർ. എന്നാൽ കാലങ്ങളായി കോൺഗ്രസിന് അനുകൂലമായ സാഹചര്യമുണ്ടായിട്ടും വിജയലക്ഷ്യം കാണാൻ കഴിയാത്ത റാന്നി മണ്ഡലത്തിൽ ഇത്തവണ മാറ്റത്തിന്റെ കാറ്റ് വീശണമെന്ന ആവശ്യം പ്രവർത്തകർക്കിടയിൽ ശക്തമാകുന്നു. കേവലം കുടുംബ മഹിമയ്ക്കും പാരമ്പര്യത്തിനുമപ്പുറം, നാടിനൊപ്പം നിൽക്കുന്ന ജനകീയ മുഖങ്ങളെ നേതൃത്വത്തിലേക്ക് കൊണ്ടുവരണമെന്നാണ് അണികളുടെ പക്ഷം. ഈ സാഹചര്യത്തിൽ മണ്ഡലത്തിൽ ഏറ്റവും കൂടുതൽ ചർച്ച ചെയ്യപ്പെടുന്ന പേരാണ് യൂത്ത് കോൺഗ്രസ് സംസ്ഥാന സെക്രട്ടറി അഡ്വ. സാംജി ഇടമുറി.
• 2018-ലെ മഹാപ്രളയം: 2018 ഓഗസ്റ്റ് 14-ന് റാന്നി പ്രളയജലത്തിൽ മുങ്ങിയപ്പോൾ സ്വന്തം സുഹൃത്തിന്റെ വാഹനം കടമെടുത്ത് സാംജി ആരംഭിച്ച റിലീഫ് സ്റ്റോർ ഇന്നും നാട്ടുകാരുടെ മനസ്സിലുണ്ട്. പഠനകാലത്തെ സുഹൃത്തുക്കളെയും സഹപ്രവർത്തകരെയും ഏകോപിപ്പിച്ച് ഇന്ത്യയുടെ വിവിധ ഭാഗങ്ങളിൽ നിന്ന് സഹായമെത്തിക്കാൻ അദ്ദേഹം മുൻകൈ എടുത്തു.
• നിലമ്പൂരിലേക്കൊരു കനിവ്: 2019-ൽ മലബാറിലെ പ്രളയബാധിതരെ സഹായിക്കാൻ ‘കനിവോട് റാന്നി’ എന്ന പേരിൽ സഹായഹസ്തവുമായി അദ്ദേഹം മലബാറിലേക്ക് യാത്ര തിരിച്ചു. “കഴിഞ്ഞ വർഷം ഞങ്ങളെ സഹായിച്ചവരെ തിരിച്ചും സഹായിക്കണം” എന്ന നിലപാട് ഒരു നാടിന്റെ തന്നെ അഭിമാനമായി മാറി.
മാറ്റത്തിനായി റാന്നി ഒരുങ്ങുന്നു
റാന്നി എസ്സി ഹയർ സെക്കണ്ടറി സ്കൂളിൽ കെഎസ്യുവിലൂടെ രാഷ്ട്രീയ ജീവിതം തുടങ്ങിയ സാംജി, മണ്ഡലത്തിലെ ഓരോ മുക്കും മൂലയും പരിചിതനായ നേതാവാണ്. ഉടയാത്ത കുപ്പായമിട്ട് വോട്ട് ചോദിച്ചു വരുന്നവരേക്കാൾ, നാട് മുങ്ങിത്താഴുമ്പോൾ രക്ഷിക്കാൻ ഓടിയെത്തുന്നവരെയാണ് റാന്നിക്ക് ആവശ്യമെന്ന് സോഷ്യൽ മീഡിയയിലും അണികൾക്കിടയിലും ചർച്ചകൾ സജീവമാണ്.
“ഒരു നാടിനാവശ്യം എല്ലാ കാലത്തും നാടിനോടൊപ്പം നിൽക്കുന്നവരെയാണ്. അല്ലാതെ തിരഞ്ഞെടുപ്പ് ആകുമ്പോൾ നൂലിൽ കെട്ടി ഇറക്കുന്നവരെയല്ല.” – മണ്ഡലത്തിലെ ഒരു യുവ പ്രവർത്തകൻ പറയുന്നു.
കഴിഞ്ഞ നിയമസഭാ തിരഞ്ഞെടുപ്പുകളിൽ നേരിയ വോട്ടുകൾക്ക് നഷ്ടപ്പെട്ട റാന്നി മണ്ഡലം, സാംജി ഇടമുറിയിലൂടെ തിരിച്ചുപിടിക്കാനാകുമെന്ന പ്രതീക്ഷയിലാണ് യുഡിഎഫ് കേന്ദ്രങ്ങൾ. യുവത്വത്തിന്റെ കരുത്തും ജനങ്ങൾക്കിടയിലുള്ള സ്വീകാര്യതയും വോട്ടായി മാറുമെന്നാണ് രാഷ്ട്രീയ നിരീക്ഷകർ വിലയിരുത്തുന്നത്.
മുണ്ടക്കയം: ഫുട്ബോൾ ലോകകപ്പ് ആവേശത്തിന് മുന്നോടിയായി മുണ്ടക്കയം നെന്മേനിയിലെ അർജന്റീന ആരാധകർ തീർത്തത് കാഴ്ചകളുടെ വിസ്മയം. പ്രിയപ്പെട്ട താരങ്ങളുടെയും ടീമിന്റെയും…
മുണ്ടക്കയം: വിദ്യാഭ്യാസ, സാമൂഹിക, സാംസ്കാരിക മേഖലകളിൽ മികച്ച നേട്ടം കൈവരിച്ചവരെ ആദരിക്കുന്നതിനായി കേരള ടുഡേ ന്യൂസ് സംഘടിപ്പിച്ച 'എക്സലൻസ് അവാർഡ്'…
പെരുവന്താനം: സ്ത്രീകളുടെ സാമൂഹിക മുന്നേറ്റത്തിനും സാമ്പത്തിക സ്വാതന്ത്ര്യത്തിനും കരുത്തേകുന്ന കെഎസ്ആർടിസിയുടെ 'പ്രിയദർശിനി' സൗജന്യ ബസ് യാത്രാ പദ്ധതിക്ക് പെരുവന്താനത്ത് വിപുലമായ…
മുണ്ടക്കയം: കെഎസ്ആർടിസിയുടെ പ്രിയദർശിനി സൗജന്യ ബസ് സർവീസിനെ സ്വാഗതം ചെയ്തും പിന്തുണ അറിയിച്ചും മുണ്ടക്കയം യുഡിഎഫ് മണ്ഡലം കമ്മിറ്റിയുടെ നേതൃത്വത്തിൽ…
ഇത് ഒരു സെലിബ്രിറ്റിയുടെ കഥയല്ല. വെളിച്ചത്തിനും പ്രശസ്തിക്കും വേണ്ടി മുന്നിൽ നിൽക്കാത്ത, നമ്മുടെ നാട്ടിലെ ഒരു സാധാരണക്കാരന്റെ, എന്നാൽ അസാധാരണമായ…
മുണ്ടക്കയം: മുണ്ടക്കയം ഗവൺമെന്റ് ആശുപത്രിയിൽ രാത്രികാല ചികിത്സാ സേവനം ഒരാഴ്ചത്തേക്ക് തടസ്സപ്പെടുമെന്ന് അധികൃതർ അറിയിച്ചു. കാഞ്ഞിരപ്പള്ളി ബ്ലോക്ക് പഞ്ചായത്ത് പ്രത്യേകമായി…