മുണ്ടക്കയം: മഠം സ്കൂളിന് മുന്നിൽ രാവിലെ മുതൽ ടോറസ് ലോറികൾ റോഡ് കയ്യേറുന്നത് യാത്രക്കാർക്കും വിദ്യാർത്ഥികൾക്കും കടുത്ത ദുരിതമാകുന്നു. മണ്ണെടുക്കാൻ വരുന്ന വലിയ ലോറികളാണ് നടുറോഡിൽ നിയമം ലംഘിച്ച് പാർക്ക് ചെയ്യുന്നത്.
സ്കൂൾ കവാടം പൂർണ്ണമായും നിറഞ്ഞുനിൽക്കുന്ന രീതിയിലാണ് ഈ ലോറികളുടെ കിടപ്പ്. ഇതുമൂലം കാൽനട യാത്രക്കാർക്കും മറ്റു വാഹനങ്ങൾക്കും സുഗമമായി സഞ്ചരിക്കാൻ കഴിയാത്ത അവസ്ഥയാണ്. ഗതാഗതക്കുരുക്കിന് പുറമെ, വിദ്യാർത്ഥികളുടെ ആരോഗ്യത്തിനും സുരക്ഷയ്ക്കും ഇത് വലിയ ഭീഷണിയാണ് ഉയർത്തുന്നത്.
മണ്ണെടുത്തുകൊണ്ട് പോകുന്ന ലോറികളുടെ ടയറുകളിൽ നിന്നുള്ള ചെളിയും മണ്ണും റോഡിലാകെ പരക്കുന്നതാണ് മറ്റൊരു പ്രധാന പ്രശ്നം. രാവിലെ കുട്ടികൾ സ്കൂളിലേക്ക് വരുന്ന സമയത്ത് റോഡാകെ ചെളിക്കളമായി മാറിയിട്ടുണ്ടാകും. ഈ ചെളിയിൽ ചവിട്ടി വേണം വിദ്യാർത്ഥികൾക്ക് ക്ലാസ്സ് മുറികളിലേക്ക് എത്താൻ. ഇത് കുട്ടികളുടെ വസ്ത്രങ്ങൾ വൃത്തികേടാകുന്നതിനും മറ്റ് ആരോഗ്യപ്രശ്നങ്ങൾക്കും കാരണമാകുന്നുണ്ട്.
നടുറോഡിലെ ഈ അനധികൃത പാർക്കിംഗിനും, സ്കൂൾ പരിസരം ചെളിയാക്കുന്ന നടപടിക്കുമെതിരെ അധികൃതർ അടിയന്തരമായി ഇടപെടണമെന്നാണ് രക്ഷിതാക്കളുടെയും നാട്ടുകാരുടെയും ശക്തമായ ആവശ്യം. വലിയ അപകടങ്ങൾ ഉണ്ടാകുന്നതിന് മുൻപ് ടോറസ് ലോറികൾക്ക് നിയന്ത്രണം ഏർപ്പെടുത്താൻ ബന്ധപ്പെട്ടവർ തയ്യാറാകേണ്ടതുണ്ട്.
പുഞ്ചവയൽ: അംബേദ്കർ പീപ്പിൾസ് മൂവ്മെന്റിന്റെ മൂന്നാമത് വാർഷികാഘോഷങ്ങളുടെ ഭാഗമായി പത്താം ക്ലാസിലും പ്ലസ്ടുവിനും ഉന്നത വിജയം കൈവരിച്ച വിദ്യാർത്ഥികളെ ആദരിക്കുകയും,…
മുണ്ടക്കയം: സംസ്ഥാനത്ത് മഞ്ഞപ്പിത്തം ഉൾപ്പെടെയുള്ള പകർച്ചവ്യാധികൾ പടർന്നുപിടിക്കുന്ന സാഹചര്യത്തിൽ, മുണ്ടക്കയം പുത്തൻചന്തയിൽ കെ.എസ്.ആർ.ടി.സി ബസ് സ്റ്റാൻഡിനായി അനുവദിച്ച പഞ്ചായത്ത് വക…
കൂട്ടിക്കൽ/മുണ്ടക്കയം: വിദേശത്ത് ആകർഷകമായ ജോലി വാഗ്ദാനം ചെയ്ത് ഉദ്യോഗാർത്ഥികളിൽ നിന്ന് കോടികൾ തട്ടിയെടുത്ത് ട്രാവൽ ഏജൻസി ഉടമ മുങ്ങി. കൂട്ടിക്കലിൽ…
വിഴിക്കിത്തോട്: വിഴിക്കിത്തോട് ആർ.വി ഗവൺമെന്റ് വി.എച്ച്.എസ് സ്കൂൾ ഹെഡ്മിസ്ട്രസ്സ് എ.എം. ടീന സർവീസിൽ നിന്നും വിരമിച്ചു. സ്കൂളിന്റെ വികസനത്തിനായി കഴിഞ്ഞ…
മുണ്ടക്കയം: മണ്ണുലോറികളുടെ അനിയന്ത്രിതമായ പാർക്കിംഗും ഇതുമൂലമുണ്ടാകുന്ന ചെളിയും കാരണം മുണ്ടക്കയം മഠം സ്കൂളിലെ വിദ്യാർത്ഥികളും കാൽനടയാത്രക്കാരും ദുരിതത്തിൽ. സ്കൂൾ കവാടം…
കൂട്ടിക്കൽ: വിദേശത്ത് ജോലി വാഗ്ദാനം ചെയ്ത് കോടികൾ തട്ടിയെടുത്ത് വിസ ഏജൻസി ഉടമ മുങ്ങിയെന്ന വാർത്തയ്ക്ക് പിന്നിലെ സത്യാവസ്ഥ ചർച്ചയാകുന്നു.…