കാഞ്ഞിരപ്പള്ളി ജനറൽ ആശുപത്രിയിലെ നാല്പത്തിയഞ്ചോളം നീരിക്ഷണ ക്യാമറകൾ മിഴിയടച്ചു, മുഖം തിരിച്ച് അധികാരികൾ

കാഞ്ഞിരപ്പള്ളി : കോട്ടയം, ഇടുക്കി, പത്തനംതിട്ട ജില്ലയിലെ മലയോര മേഖയിലെ സാധാരണക്കാരന്റ ഏക ആശ്രയമായ ദിവസേന ആയിരക്കണക്കിന് ആളുകൾ എത്തുന്ന കാഞ്ഞിരപ്പള്ളി ജനറൽ ആശുപത്രിയിലെ നാല്പത്തിയഞ്ചോളം നീരിക്ഷണ ക്യാമറകൾ തകരാറിൽ ആയിട്ടു മാസങ്ങൾ എന്നാൽ ഇവയുടെ തകരാറുകൾ പരിഹരിച്ച് പൂർവ്വ സ്ഥതിയിൽ ആക്കുന്നതിനുള്ള യാതൊരു നടപടിയും ആശുപത്രി അധികാരികളുടെ ഭാഗത്തു നിന്നും ഉണ്ടായിട്ടില്ല, മുൻപ് ആശുപത്രിപരിസരത്ത് രാഷ്ട്രീയ സംഘർഷങ്ങളും, മറ്റു പ്രശ്നങ്ങളും ഉണ്ടായപ്പോൾ സുരക്ഷാക്രമീകരണത്തിനാണ് ക്യാമറകൾ സ്ഥാപിച്ചത് എന്നാൽ ഇപ്പോൾ ക്യാമറകളുടെ പ്രവർത്തനം നിലച്ചത് സാമൂഹിക വിരുദ്ധശല്യം വർധിക്കുന്നതിനും, ആശുപത്രി പരിസരത്ത് പാർക്ക് ചെയ്തിരിക്കുന്ന വാഹനങ്ങളിൽ നിന്നും മോഷണങ്ങൾ വർധിക്കുന്നതിനും കാരണമായിട്ടുണ്ട്, ഏതാനും ദിവസങ്ങൾക്കു മുമ്പ് പട്ടാപ്പകൽ ഹോസ്പിറ്റൽ സ്റ്റോറിൽ നിന്നും മോഷണം നടത്തിയ മോഷ്ടാവിനെ പിടികൂടിയിരുന്നു എത്രയും പെട്ടെന്ന് ക്യാമറകൾ അറ്റകുറ്റപ്പണികൾ നടത്തി പൂർവ്വസ്ഥിതിയിൽ ആക്കണം എന്നാണ് ജനങ്ങൾ പറയുന്നത്