നാടക,സീരിയല് നടൻ കെ.പി.എ.സി രാജേന്ദ്രൻ (73) അന്തരിച്ചു. 43 വർഷമായി കെ.പി.എ.സിയിലെ സ്ഥിരം നടനായിരുന്ന അദ്ദേഹം ഉപ്പും മുളകും സീരിയലില് പടവലം കുട്ടൻ പിള്ള എന്ന കഥാപാത്രത്തെ അവതരിപ്പിച്ചിരുന്നു.
മൃതദേഹം ഇന്ന് രാവിലെ 10ന് കെ.പി.എ.സിയില് പൊതുദർശനത്തിന് വയ്ക്കും. സംസ്കാരം 11 മണിക്ക് കായംകുളം മുനിസിപ്പല് ശ്മശാനത്തില്.
തോപ്പില് ഭാസിയുടെ ‘നിങ്ങളെന്നെ കമ്മ്യൂണിസ്റ്റാക്കി ‘ എന്ന നാടകത്തിലെ പ്രധാന കഥാപാത്രമായ പരമുപിള്ളയുടെ വേഷം 28വർഷമായി ചെയ്തു വന്നത് രാജേന്ദ്രനായിരുന്നു. റിലീസാകാനുള്ള ചില സിനിമകളിലും അഭിനയിച്ചിരുന്നു.കേരള സംഗീത നാടക അക്കാഡമിയുടെ ഈ വർഷത്തെ ഗുരുപൂജാ പുരസ്കാരവും ലഭിച്ചിരുന്നു.
മുണ്ടക്കയം ചിറ്റടിയില് ളാഹയില് വീട്ടില് രാമൻനായരുടേയും കുഞ്ഞിക്കുട്ടിയമ്മയുടേയും മകനായി ജനിച്ച അദ്ദേഹം എസ്.എല്.പുരം സദാനന്ദന്റെ ‘സിംഹം ഉറങ്ങുന്ന കാട്’ എന്ന നാടകത്തിനുവേണ്ടിയാണ് കെ.പി.എ.സിയില് എത്തിയത്. തോപ്പില്ഭാസിയുടെ വിയോഗത്തെതുടർന്ന് അദ്ദേഹത്തിന്റെ നാടകങ്ങള് കെ.പി.എ.സിക്കുവേണ്ടി പുനഃസംവിധാനം ചെയ്യുന്നതിലും രാജേന്ദ്രന്റെ പങ്ക് വളരെ വലുതായിരുന്നു. കെ.പി.എ.സിയുടെ 30ഓളം നാടകങ്ങളില് അഭിനയിച്ചു. കെ.പി.എ.സി നാടകട്രൂപ്പിന്റെ കണ്വീനറായും ദീർഘകാലം പ്രവർത്തിച്ചു. വർഷങ്ങളായി കായംകുളത്തായിരുന്നു താമസം. ഭാര്യ: സൂര്യകുമാരി. മക്കള്:അനൂപ്, അരുണ്.
മുണ്ടക്കയം: മുണ്ടക്കയം ടൗണിലും ബസ് സ്റ്റാൻഡ് പരിസരത്തും മദ്യപിച്ചെത്തുന്ന ചില ഓട്ടോ ഡ്രൈവർമാരുടെ ഗുണ്ടായിസം വർദ്ധിക്കുന്നതായി പരാതി. കഴിഞ്ഞദിവസം രാത്രി…
മുണ്ടക്കയം: മുണ്ടക്കയം ടൗണിൽ നടന്ന ഹർത്താൽ/സമരം പൂർണ്ണവിജയം. ടൗണിലെ ബാങ്കുകളും മറ്റ് സ്വകാര്യ സ്ഥാപനങ്ങളും സമരക്കാർ ഇടപെട്ട് അടപ്പിച്ചു. എന്നാൽ…
സംസ്ഥാനത്ത് ഇന്നും അത്യുഷ്ണ മുന്നറിയിപ്പ്. വയനാടും ഇടുക്കിയും ഒഴികെ ഇല്ലായിടത്തും മുന്നറിയിപ്പ് തുടരുന്നു. കൊടും വേനലിന് ആശ്വാസമായി നാളെ മുതൽ…
മുണ്ടക്കയം: ലോക തൊഴിലാളി ദിനത്തോടനുബന്ധിച്ച് സിഐടിയു കാഞ്ഞിരപ്പള്ളി ഏരിയാ കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന മെയ്ദിന റാലിയും പൊതുസമ്മേളനവും മെയ് ഒന്നിന്…
മുണ്ടക്കയം: സി.എസ്.ഐ മധ്യകേരള മഹായിടവകയിലെ മുണ്ടക്കയം ഹോളി ട്രിനിറ്റി പള്ളിയുടെ 175-ാം വാർഷികാഘോഷങ്ങളുടെ ഭാഗമായി നിർമ്മിച്ച ഭവനപദ്ധതിയുടെ സമർപ്പണം നാളെ…
കോട്ടയം: മാഞ്ഞൂരിൽ പുലർച്ചെ റോഡിലൂടെ നടന്നുപോവുകയായിരുന്ന വീട്ടമ്മയെ സ്കൂട്ടർ ഇടിപ്പിച്ചു വീഴ്ത്തിയ ശേഷം കത്തികാട്ടി ഭീഷണിപ്പെടുത്തി മാല കവർന്നു. മാഞ്ഞൂർ…