മുണ്ടക്കയം: കോരുത്തോട് കുഴിമാവിൽ വിശ്രമിക്കുകയായിരുന്ന അയ്യപ്പഭക്തനെ (സ്വാമി) ക്രൂരമായി മർദ്ദിച്ച സംഭവത്തിൽ യുവാവിനെ പോലീസ് അറസ്റ്റ് ചെയ്തു. നെല്ലിക്കാനത്ത് ഷൈമോനെയാണ് മുണ്ടക്കയം പോലീസ് പിടികൂടിയത്. തിരുവനന്തപുരം സ്വദേശിയായ സ്വാമിക്കാണ് ആക്രമണത്തിൽ പരിക്കേറ്റത്.
ശബരിമല പാതയിലെ മുക്കൂഴി ചെക്ക്പോസ്റ്റ് ഗേറ്റ് വൈകുന്നേരം 7 മണിക്ക് അടയ്ക്കുന്നതിനാൽ യാത്ര തുടരാനാവാതെ കുഴിമാവിൽ വിശ്രമിക്കുകയായിരുന്നു സ്വാമി. ഈ സമയത്താണ് സ്ഥലത്തെത്തിയ ഷൈമോൻ ഇദ്ദേഹത്തെ ആക്രമിച്ച് ക്രൂരമായി മർദ്ദിച്ചവശനാക്കിയത്. ബഹളം കേട്ട് ഓടിക്കൂടിയ നാട്ടുകാരാണ് സ്വാമിയെ രക്ഷപ്പെടുത്തി മുണ്ടക്കയം മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചത്.
സംഭവമറിഞ്ഞ് ഉടൻ സ്ഥലത്തെത്തിയ പോലീസ് പ്രതിയെ കസ്റ്റഡിയിലെടുത്തു. എന്നാൽ പോലീസ് ജീപ്പിൽ നിന്നും ഇറക്കുന്നതിനിടെ പ്രതി പോലീസിനെ വെട്ടിച്ച് ഓടി രക്ഷപെടാൻ ശ്രമിച്ചത് നാടകീയ രംഗങ്ങൾക്കിടയാക്കി. തുടർന്ന് പോലീസും നാട്ടുകാരും ചേർന്ന് നടത്തിയ തെരച്ചിലിനൊടുവിലാണ് ഇയാളെ വീണ്ടും പിടികൂടിയത്.
മുണ്ടക്കയം സി.ഐ. രാകേഷ് കുമാർ, എസ്.ഐ. വിപിൻ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
മുണ്ടക്കയം: ഫുട്ബോൾ ലോകകപ്പ് ആവേശത്തിന് മുന്നോടിയായി മുണ്ടക്കയം നെന്മേനിയിലെ അർജന്റീന ആരാധകർ തീർത്തത് കാഴ്ചകളുടെ വിസ്മയം. പ്രിയപ്പെട്ട താരങ്ങളുടെയും ടീമിന്റെയും…
മുണ്ടക്കയം: വിദ്യാഭ്യാസ, സാമൂഹിക, സാംസ്കാരിക മേഖലകളിൽ മികച്ച നേട്ടം കൈവരിച്ചവരെ ആദരിക്കുന്നതിനായി കേരള ടുഡേ ന്യൂസ് സംഘടിപ്പിച്ച 'എക്സലൻസ് അവാർഡ്'…
പെരുവന്താനം: സ്ത്രീകളുടെ സാമൂഹിക മുന്നേറ്റത്തിനും സാമ്പത്തിക സ്വാതന്ത്ര്യത്തിനും കരുത്തേകുന്ന കെഎസ്ആർടിസിയുടെ 'പ്രിയദർശിനി' സൗജന്യ ബസ് യാത്രാ പദ്ധതിക്ക് പെരുവന്താനത്ത് വിപുലമായ…
മുണ്ടക്കയം: കെഎസ്ആർടിസിയുടെ പ്രിയദർശിനി സൗജന്യ ബസ് സർവീസിനെ സ്വാഗതം ചെയ്തും പിന്തുണ അറിയിച്ചും മുണ്ടക്കയം യുഡിഎഫ് മണ്ഡലം കമ്മിറ്റിയുടെ നേതൃത്വത്തിൽ…
ഇത് ഒരു സെലിബ്രിറ്റിയുടെ കഥയല്ല. വെളിച്ചത്തിനും പ്രശസ്തിക്കും വേണ്ടി മുന്നിൽ നിൽക്കാത്ത, നമ്മുടെ നാട്ടിലെ ഒരു സാധാരണക്കാരന്റെ, എന്നാൽ അസാധാരണമായ…
മുണ്ടക്കയം: മുണ്ടക്കയം ഗവൺമെന്റ് ആശുപത്രിയിൽ രാത്രികാല ചികിത്സാ സേവനം ഒരാഴ്ചത്തേക്ക് തടസ്സപ്പെടുമെന്ന് അധികൃതർ അറിയിച്ചു. കാഞ്ഞിരപ്പള്ളി ബ്ലോക്ക് പഞ്ചായത്ത് പ്രത്യേകമായി…