തെരുവുനായ്ക്കൾക്ക് നായ പ്രേമികളുടെ വീട്ടിൽ ഷെൽട്ടൽ ഒരുക്കി നൽകണം: സജി മഞ്ഞക്കടമ്പിൽ

കോട്ടയം: തെരുവുനായ്ക്കളെ നിയന്ത്രിക്കാൻ സംസ്ഥാന സർക്കാർ അടിയന്തിര നിയമസഭാ സമ്മേളനം വിളിച്ചു കൂട്ടി നിയമ നിർമ്മാണം നടത്താൻ തയാറാകണമെന്ന് തൃണമൂൽ കോൺഗ്രസ് സംസ്ഥാന ചീഫ് കോർഡിനേറ്റർ സജി മഞ്ഞക്കടമ്പിൽ കോട്ടയം പ്രസ് ക്ലബിൽ നടത്തിയ പത്രസമ്മേളനത്തിൽ സർക്കാരിനോട് ആവശ്യപ്പെട്ടു.
മൃഗസ്നേഹം ചമഞ്ഞ് തെരുവുനായ്ക്കളെ സംരക്ഷിക്കാനായി കോടികൾ മുടക്കി കോടതിയിൽ പോകുന്ന മരുന്ന് കമ്പനികളുൾക്കെതിരെ കോടതിയെ സമീപിക്കാൻ സംസ്ഥാന സർക്കാർ തയാറകണമെന്നും അദ്ധേഹം ആവശ്യപ്പെട്ടു.
പേവിഷബാധ ഏറ്റുള്ള മരണമാണ് ഏറ്റവും ഭീകര മരണം എന്നും, നിരാലംബർക്കും പാവപ്പെട്ടവർക്കും ആനുകുല്യങ്ങൾ നിഷേധിച്ചു കൊണ്ട് കോടികൾ മുടക്കി വന്ധ്യങ്കരിച്ചും , പ്രതിരോധ കുത്തിവെയ്പ്പ് എടുത്തതിന് ശേഷവും നായ്ക്കളെ റോഡിലേയ്ക്ക് ഇറക്കി വിടുന്നതുമൂലം വാഹനാപകടങ്ങൾ വർദ്ധിക്കുകയും മരണനിരക്ക് കൂടുകയും ചെയ്യുമെന്നും സജി ആരോപിച്ചു.

തെരുവുനായ വിഷയം സാമൂഹ്യ വിപത്തായി പ്രഖ്യാപിച്ച് അലഞ്ഞ് തിരിഞ്ഞ് നടക്കുന്ന നായ്ക്കളെ മൃഗ സ്നേഹികളുടെ വീട്ടിൽ പാർപ്പിക്കാനായി സർക്കാർ ഷെൽറ്റർ നിർമ്മിച്ച് സൗകര്യം ചെയ്ത് കൊടുത്ത് പുന:രധിവസിപ്പിക്കണം എന്നും അതിനായി എത്ര കോടി മുടക്കിയാലും സർക്കാരിന് പൂർണ്ണ പിൻതുണ നൽകുമെന്നും തൃണമൂൽ കോൺഗ്രസ് നേതാക്കൾ അറിയിച്ചു.