അസാധ്യമെന്നു കരുതിയ റോഡ് എന്ന സ്വപ്നം ഒടുവിൽ പൂവണിഞ്ഞു. ടൗണിന് അര കിലോമീറ്റർ ചുറ്റളവിലാണു പാറയിൽ അമ്പലം കോളനി. ഇവിടെ നിന്നാൽ നഗരത്തിന്റെ കാഴ്ചകളും കോലാഹലങ്ങളും അടുത്തറിയാൻ കഴിയും. പക്ഷേ, കോളനി നിവാസികൾക്ക് ടൗണിൽ എത്തണമെങ്കിൽ കാൽനട യാത്ര മാത്രമായിരുന്നു അഭയം. രോഗികളെ കസേരയിൽ ഇരുത്തി ചുമന്നു റോഡിൽ എത്തിക്കണമായിരുന്നു.
പഞ്ചായത്ത് സ്ഥിരസമിതി ചെയർമാനും വാർഡ് അംഗവുമായ സി.വി.അനിൽ കുമാറിന്റെ നേതൃത്വത്തിൽ നാട്ടുകാർ ഒത്തുചേർന്നതോടെ അസാധ്യമെന്നു പറഞ്ഞ റോഡ് സാധ്യമാക്കി മാറ്റി. തങ്ങളുടെ വീടുകളുടെ വശങ്ങൾ പൊളിച്ചു റോഡിനായി പലരും സ്ഥലം നൽകി. അടുക്കളയും, വീടുകളുടെ വരാന്തയും പോയവരുണ്ട്.
നിർമാണത്തിൽ നാട്ടുകാർ ശ്രമദാനമായി ഒപ്പം ചേർന്നു. സംരക്ഷണഭിത്തി, കോൺക്രീറ്റിങ് എന്നിവയുടെ ഫണ്ടുകൾ പഞ്ചായത്തിൽ നിന്നും എംഎൽഎ ഫണ്ടിൽ നിന്നും ലഭ്യമാക്കി.റോഡിന്റെ സ്ഥലത്തിനായി കെട്ടിടങ്ങൾ പൊളിച്ചു നീക്കേണ്ടി വന്ന സാഹചര്യത്തിൽ അവർക്കു പകരം സംവിധാനം ഏർപ്പെടുത്താൻ നാട്ടുകാർ തന്നെ ചേർന്നു ശ്രമദാനമായി നിർമാണം നടത്തി കൊടുത്തു.
മുക്കാൽ കിലോമീറ്ററിൽ അധികമാണു റോഡിന്റെ നീളം. ഇതുവരെ അരക്കോടിയിലേറെ തുക ചെലവായി. സെബാസ്റ്റ്യൻ കുളത്തുങ്കൽ എംഎൽഎ, ജില്ലാ പഞ്ചായത്തംഗം പി.ആർ.അനുപമ, പഞ്ചായത്ത് പ്രസിഡന്റ് രേഖ ദാസ് എന്നിവരുടെ സഹായത്തോടെ തുക ലഭ്യമാക്കിയതും നാട്ടുകാരുടെ വിശ്രമമില്ലാത്ത പരിശ്രമവുമാണു റോഡ് എന്ന സ്വപ്നം യാഥാർഥ്യമാക്കാൻ സാധിച്ചതെന്നു പഞ്ചായത്തംഗം സി.വി.അനിൽ കുമാർ പറയുന്നു
മുണ്ടക്കയം: മുണ്ടക്കയം ടൗണിലും ബസ് സ്റ്റാൻഡ് പരിസരത്തും മദ്യപിച്ചെത്തുന്ന ചില ഓട്ടോ ഡ്രൈവർമാരുടെ ഗുണ്ടായിസം വർദ്ധിക്കുന്നതായി പരാതി. കഴിഞ്ഞദിവസം രാത്രി…
മുണ്ടക്കയം: മുണ്ടക്കയം ടൗണിൽ നടന്ന ഹർത്താൽ/സമരം പൂർണ്ണവിജയം. ടൗണിലെ ബാങ്കുകളും മറ്റ് സ്വകാര്യ സ്ഥാപനങ്ങളും സമരക്കാർ ഇടപെട്ട് അടപ്പിച്ചു. എന്നാൽ…
സംസ്ഥാനത്ത് ഇന്നും അത്യുഷ്ണ മുന്നറിയിപ്പ്. വയനാടും ഇടുക്കിയും ഒഴികെ ഇല്ലായിടത്തും മുന്നറിയിപ്പ് തുടരുന്നു. കൊടും വേനലിന് ആശ്വാസമായി നാളെ മുതൽ…
മുണ്ടക്കയം: ലോക തൊഴിലാളി ദിനത്തോടനുബന്ധിച്ച് സിഐടിയു കാഞ്ഞിരപ്പള്ളി ഏരിയാ കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന മെയ്ദിന റാലിയും പൊതുസമ്മേളനവും മെയ് ഒന്നിന്…
മുണ്ടക്കയം: സി.എസ്.ഐ മധ്യകേരള മഹായിടവകയിലെ മുണ്ടക്കയം ഹോളി ട്രിനിറ്റി പള്ളിയുടെ 175-ാം വാർഷികാഘോഷങ്ങളുടെ ഭാഗമായി നിർമ്മിച്ച ഭവനപദ്ധതിയുടെ സമർപ്പണം നാളെ…
കോട്ടയം: മാഞ്ഞൂരിൽ പുലർച്ചെ റോഡിലൂടെ നടന്നുപോവുകയായിരുന്ന വീട്ടമ്മയെ സ്കൂട്ടർ ഇടിപ്പിച്ചു വീഴ്ത്തിയ ശേഷം കത്തികാട്ടി ഭീഷണിപ്പെടുത്തി മാല കവർന്നു. മാഞ്ഞൂർ…