യാത്രക്കാരെ കുത്തിനിറച്ച് മുണ്ടക്കയം പുഞ്ചവയൽ റൂട്ടിൽ ഓട്ടോ ഷട്ടിൽ : ഒറ്റ ഒട്ടോറിക്ഷ, എന്നാൽ യാത്രക്കാർ 7… കഴിഞ്ഞ ദിവസം മുണ്ടക്കയം പുഞ്ചവയൽ റോഡിൽ വിദ്യാർത്ഥി റോഡിൽ വീണത് യാത്രക്കാരെ കുത്തിനിറച്ച് പോയ ഓട്ടോയിൽ നിന്നും…സ്‌കൂൾ കുട്ടികളെ ശ്രദ്ധിക്കണം

ഒരു ഒട്ടോറിക്ഷയിൽ പരമാവധി 3 പേർ എന്നാണ് നിയമം. അതും കടന്നാൽ നിയമപരമല്ലെങ്കിലും 4 അല്ലങ്കിൽ 5 പേരും പേരെ നമ്മൾ കാണാരുണ്ട്. എന്നാൽ 7 യാത്രക്കാരുമായി പോയ ഒരു ഓട്ടോറിക്ഷയാണ് കഴിഞ്ഞ ദിവസം മുണ്ടക്കയം പുഞ്ചവയൽ റോഡിൽ വിദ്യാർത്ഥി റോഡിൽ വീണത്, ഷട്ടിൽ ഓടുന്ന ഓട്ടോകൾ വഴയിൽ നിന്നും എത്രപേരെ ഓട്ടോയിൽ കയറ്റാൻ പറ്റുമോ അത്രയും പേരെ കയറ്റുകയാണ് ചെയ്യുന്നത്, കുട്ടികളെ യാത്രക്കാരുടെ മടിയിൽ ഇരുത്തിയും ഓട്ടോ യാത്ര പോവുന്നതും കാണാൻ സാധിക്കും

കുട്ടികളെ കുത്തിനിറച്ച് ഓടുന്ന ഓട്ടോകൾ ഓരോ സ്കൂൾ പരിസരത്തും കാണാം. എന്തെങ്കിലും അപകടം ഉണ്ടായാൽ മാത്രം ചോദ്യങ്ങൾ ഉയരും. ഒരു അധ്യയന വർഷം രാവിലെയും വൈകീട്ടുമായി കുറഞ്ഞത് 400 യാത്രകൾ എങ്കിലും ഇത്തരത്തിൽ ചെയ്യേണ്ടിവരും. അപ്പോൾ ഉണ്ടായേക്കാവുന്ന അപകടസാധ്യതകൾ വലുതാണ്. ഓട്ടോഡ്രൈവർമാരും കുട്ടികളെ സ്കൂളിലേക്ക് അയക്കുന്ന മാതാപിതാക്കളും ഇക്കാര്യത്തിൽ അധിക ശ്രദ്ധ പുലർത്തണം

അപകടരീതിയിൽ ഡ്രൈവർ സീറ്റിൽ ഇരുത്തിയും കൂടുതൽ കുട്ടികളെ കുത്തിനിറച്ചും യാത്രചെയ്യുന്നത് ഏറ്റവും വലിയ സുരക്ഷാ ഭീഷണിയാണ്.