കാഞ്ഞിരപ്പള്ളി: നിയുക്ത കല്യാൺ ആർച്ച് ബിഷപ്പ് മാർ സെബാസ്റ്റ്യൻ വാണിയപ്പുരയ്ക്കൽ ഇന്നലെ മാതൃ രൂപതയായ കാഞ്ഞിരപ്പള്ളിയിലെത്തി പഴയ ഓർമകൾ നന്ദിയോടെ അനുസ്മരിച്ചു. വാണിയപ്പുരയ്ക്കൽ കുടുംബവും മാതാപിതാക്കളും സഹോദരങ്ങളും തനിക്ക് പ്രഥമ ഭവനവും കാഞ്ഞിരപ്പള്ളി രൂപത രണ്ടാമത്തെ വിശാലമായ കുടുംബവുമാണെന്ന് അദ്ദേഹം പറഞ്ഞു. മേരിമാതാ മൈനർ സെമിനാരി പരിശീലനം മുതൽ ഇന്നേവരെയുള്ള പ്രയാണത്തിൽ കാഞ്ഞിരപ്പള്ളി രൂപതാ കുടുംബം നൽകിയ കരുതലും മാർ ജോസഫ് പവ്വത്തിൽ, മാർ മാത്യു വട്ടക്കുഴി, മാർ മാത്യു അറയ്ക്കൽ, മാർ ജോസ് പുളിക്കൽ എന്നീ പിതാക്കന്മാരും വൈദികഗണവും സന്യസ്തരും വിശ്വാസികളും നൽകിയ കരുതലും പ്രാർത്ഥനകളും വലിയ ബലം പകർന്നു. രൂപതയിൽ വിവിധ ചുമതലകളിൽ ലഭിച്ച അവസര ങ്ങളും പ്രോത്സാഹനങ്ങളും അവിസ്മരണീയമായി സൂക്ഷിക്കുന്നു.
യുവദീപ്തി ഡയറക്ടർ ശുശ്രൂഷയ്ക്കുശേഷം റോമിൽ ഉപരിപഠനത്തിനു പോയി മടങ്ങിയെത്തിയപ്പോൾ മാർ മാത്യു അറയ്ക്കൽ ജുഡീഷൽ വികാരിയായി നിയമിച്ചു. ജനങ്ങളോടൊപ്പം കഴിയാനുള്ള ആഗ്രഹത്തിൽ ഏതെങ്കിലുമൊരു ചെറിയ പള്ളിയിൽ അസിസ്റ്റന്റ് വികാരി സ്ഥാനംകൂടി തരുമോ എന്നു ചോദിച്ചപ്പോൾ അറയ്ക്കൽ പിതാവ് വികാരി സ്ഥാനംതന്നെയാണ് ഏൽപ്പിച്ചത്.
തുടർന്ന് പുമറ്റം, ചെന്നാക്കുന്ന്, മുളംകുന്ന് പള്ളികളിൽ വികാരിയായി. നല്ല ബന്ധങ്ങൾ വളർത്തുക മാത്രമല്ല എല്ലാവരെയും തുറവിയോടെ കേൾക്കുക എന്നത് ഒരുപാട് അറിവും അനുഭവവും പകർന്നുകിട്ടാൻ ഇടയായി. രൂപതയിലും പുറത്തും അനേകരുമായി സ്ഥാപിച്ച ആത്മബന്ധമാണ് ജീവിതത്തിലെ ഏറ്റവും വലിയ കരുതൽ. രൂപതയിൽ ഇപ്പോൾ വലിയ ചുമതലകൾ വഹിക്കുന്ന വൈ ദികരേറെയും മൈനർ സെമിനാരി പഠനം മുതൽ സഹപാഠികളും സഹപ്രവർത്തകരും ആത്മസ്നേഹിതരുമാണെന്നത് വലിയൊരു ബലമായി മാറി. മാർ ജോസ് പുളിക്കൽ പിതാവുമായി മൈനർ സെമിനാരിയിൽ തുടങ്ങിയ സഹോദരബന്ധം ഇന്നും എന്നും ഊഷ്മളമായി സൂക്ഷിക്കുന്നു.
മാർ സെബാസ്റ്റ്യൻ വാണിയപ്പുരയ്ക്കൽ കാഞ്ഞിരപ്പള്ളി പ്രീസ്റ്റ് ഹോമിൽ കഴിയുന്ന മുൻ മൈനർ സെമിനാരി റെക്ടർ ഫാ. മാത്യു ഏറത്തേടത്തെ സന്ദർശിച്ച് ഇന്നലെ അ നുഗ്രഹം തേടി. പാസ്റ്ററൽ സെൻ്ററിൽ ഒരുക്കിയ സ്വീകരണത്തിനുശേഷം മേജർ ആർ ക്കി എപ്പിസ്കോപ്പൽ മരിയൻ തീർഥാടന കേന്ദ്രമായ പഴയപള്ളിയിൽ എട്ടുനോമ്പു തിരുനാൾ പ്രമാണിച്ച് വിശുദ്ധ കുർബാന അർപ്പിച്ച ശേഷമാണു മടങ്ങിയത്.
പാസ്റ്ററൽ ആനിമേഷൻ ഡയറക്ടർ ഫാ. സ്റ്റാൻലി പുള്ളോലിക്കൽ, പ്രൊക്കുറേറ്റർ ഫാ. ഫിലിപ്പ് തടത്തിൽ, സിബിസിഐ ലെയ്റ്റി കൗൺസിൽ സെക്രട്ടറി ഷെവ. അ ഡ്വ. വി.സി. സെബാസ്റ്റ്യൻ, രൂപതാ പാസ്റ്ററൽ കൗൺസിൽ സെക്രട്ടറി ഡോ. ജൂബി മാ ത്യു എന്നിവർ ക്രമീകരണങ്ങൾക്കു നേതൃത്വം നൽകി.
മുണ്ടക്കയം: ഫുട്ബോൾ ലോകകപ്പ് ആവേശത്തിന് മുന്നോടിയായി മുണ്ടക്കയം നെന്മേനിയിലെ അർജന്റീന ആരാധകർ തീർത്തത് കാഴ്ചകളുടെ വിസ്മയം. പ്രിയപ്പെട്ട താരങ്ങളുടെയും ടീമിന്റെയും…
മുണ്ടക്കയം: വിദ്യാഭ്യാസ, സാമൂഹിക, സാംസ്കാരിക മേഖലകളിൽ മികച്ച നേട്ടം കൈവരിച്ചവരെ ആദരിക്കുന്നതിനായി കേരള ടുഡേ ന്യൂസ് സംഘടിപ്പിച്ച 'എക്സലൻസ് അവാർഡ്'…
പെരുവന്താനം: സ്ത്രീകളുടെ സാമൂഹിക മുന്നേറ്റത്തിനും സാമ്പത്തിക സ്വാതന്ത്ര്യത്തിനും കരുത്തേകുന്ന കെഎസ്ആർടിസിയുടെ 'പ്രിയദർശിനി' സൗജന്യ ബസ് യാത്രാ പദ്ധതിക്ക് പെരുവന്താനത്ത് വിപുലമായ…
മുണ്ടക്കയം: കെഎസ്ആർടിസിയുടെ പ്രിയദർശിനി സൗജന്യ ബസ് സർവീസിനെ സ്വാഗതം ചെയ്തും പിന്തുണ അറിയിച്ചും മുണ്ടക്കയം യുഡിഎഫ് മണ്ഡലം കമ്മിറ്റിയുടെ നേതൃത്വത്തിൽ…
ഇത് ഒരു സെലിബ്രിറ്റിയുടെ കഥയല്ല. വെളിച്ചത്തിനും പ്രശസ്തിക്കും വേണ്ടി മുന്നിൽ നിൽക്കാത്ത, നമ്മുടെ നാട്ടിലെ ഒരു സാധാരണക്കാരന്റെ, എന്നാൽ അസാധാരണമായ…
മുണ്ടക്കയം: മുണ്ടക്കയം ഗവൺമെന്റ് ആശുപത്രിയിൽ രാത്രികാല ചികിത്സാ സേവനം ഒരാഴ്ചത്തേക്ക് തടസ്സപ്പെടുമെന്ന് അധികൃതർ അറിയിച്ചു. കാഞ്ഞിരപ്പള്ളി ബ്ലോക്ക് പഞ്ചായത്ത് പ്രത്യേകമായി…