മുണ്ടക്കയം ചെളികുഴി, നെന്മേനി അംഗനവാടികളിൽ പ്രവേശനോത്സവം സംഘടിപ്പിച്ചു
മുണ്ടക്കയം: ചെളികുഴി ലക്ഷംവീട്, നെന്മേനി എന്നിവിടങ്ങളിലെ അംഗനവാടികളിൽ പുതിയ അധ്യയന വർഷത്തേക്കുള്ള പ്രവേശനോത്സവം നടന്നു. കുരുന്നുകളെ വരവേൽക്കുന്നതിനായി സംഘടിപ്പിച്ച ചടങ്ങ് വാർഡ് മെമ്പർ സി. വി. അനിൽകുമാർ ഉദ്ഘാടനം ചെയ്തു.
ജുമേലിയ ടീച്ചർ, വാസന്തി, അന്നമ്മ ടീച്ചർ, ഇസ്മായിൽ എന്നിവർ ചടങ്ങിൽ സംബന്ധിക്കുകയും പുതിയതായി എത്തിയ കുട്ടികൾക്ക് ആശംസകൾ അറിയിച്ച് സംസാരിക്കുകയും ചെയ്തു. അംഗനവാടിയിലേക്ക് ആദ്യമായി എത്തിയ കുരുന്നുകളെ പ്രോത്സാഹിപ്പിക്കുന്നതിനായി ചടങ്ങിൽ വെച്ച് കുട്ടികൾക്ക് വിവിധ ഉപഹാരങ്ങളും വിതരണം ചെയ്തു. രക്ഷിതാക്കളും നാട്ടുകാരും ഉൾപ്പെടെ നിരവധി പേർ പ്രവേശനോത്സവത്തിൽ പങ്കെടുത്തു.
