അംബേദ്കർ പീപ്പിൾസ് മൂവ്മെന്റിന്റെ മൂന്നാമത് വാർഷികാഘോഷം സംഘടിപ്പിച്ചു; വിദ്യാർത്ഥികൾക്ക് ആദരവും പഠനോപകരണ വിതരണവും

പുഞ്ചവയൽ: അംബേദ്കർ പീപ്പിൾസ് മൂവ്മെന്റിന്റെ മൂന്നാമത് വാർഷികാഘോഷങ്ങളുടെ ഭാഗമായി പത്താം ക്ലാസിലും പ്ലസ്ടുവിനും ഉന്നത വിജയം കൈവരിച്ച വിദ്യാർത്ഥികളെ ആദരിക്കുകയും, നൂറിലധികം കുട്ടികൾക്ക് പഠനോപകരണങ്ങൾ വിതരണം ചെയ്യുകയും ചെയ്തു. പുഞ്ചവയൽ ശ്രീ കെ.കെ. കേശവൻ കല്ലിക്കുന്നേൽ മിനി ഓഡിറ്റോറിയത്തിലാണ് ആഘോഷപരിപാടികൾ സംഘടിപ്പിച്ചത്.

വാർഷികാഘോഷ പരിപാടികളുടെ ഔപചാരികമായ ഉദ്ഘാടനം മുണ്ടക്കയം ഗ്രാമപഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ ടി.ജെ. ജോൺസൺ നിർവഹിച്ചു. സൊസൈറ്റി പ്രസിഡന്റ് പി.കെ. ശശി ചടങ്ങിൽ അധ്യക്ഷത വഹിച്ചു.

പരീക്ഷകളിൽ ഉന്നത വിജയം നേടി മികച്ച പ്രകടനം കാഴ്ചവെച്ച വിദ്യാർത്ഥികൾക്കുള്ള ആദരവ് റിട്ടയേഡ് വില്ലേജ് ഓഫീസർ എ.എസ്. മുഹമ്മദ്, കോരുത്തോട് ഗ്രാമപഞ്ചായത്ത് അംഗം പ്രശാന്ത് എന്നിവർ ചേർന്ന് നിർവഹിച്ചു. വിദ്യാർത്ഥികൾക്കുള്ള പഠനോപകരണ വിതരണത്തിന്റെ ഉദ്ഘാടനം സിജു കൈതമറ്റം ചെയ്തു. അംബേദ്കർ പീപ്പിൾസ് മൂവ്മെന്റ് സെക്രട്ടറി രാജീവ് പുഞ്ചവയൽ പുതിയ അംഗങ്ങൾക്കുള്ള മെമ്പർഷിപ്പ് വിതരണം നടത്തി.

ചടങ്ങിൽ വി.പി. കൊച്ചുമോൻ, സി.എസ്. പ്രമോദ്, ബെന്നി ദേവസ്യ, വി.പി. അനിയൻ തുടങ്ങിയവർ പങ്കെടുത്തു സംസാരിച്ചു. നിരവധി ആളുകൾ പരിപാടിയുടെ ഭാഗമായി.