കൂട്ടിക്കൽ ഓർക്കിഡ് കൺസൾട്ടൻസി വഴി വിസ തട്ടിപ്പ്; കൂട്ടിക്കൽ ഓർക്കിഡ് കൺസൾട്ടൻസി ഉടമ കോഴിക്കോട്ട് വെച്ച് പിടിയിൽ
കോടികൾ തട്ടിമുങ്ങി; കൂട്ടിക്കൽ ഓർക്കിഡ് കൺസൾട്ടൻസി ഉടമ കോഴിക്കോട്ട് വെച്ച് പിടിയിൽ
മുണ്ടക്കയം: കൂട്ടിക്കൽ ഓർക്കിഡ് കൺസൾട്ടൻസി വഴി വിസ തട്ടിപ്പ് നടത്തി കോടികളുമായി മുങ്ങിയ സ്ഥാപന ഉടമയെ പോലീസ് അറസ്റ്റ് ചെയ്തു. വിദ്യാർത്ഥികളിൽ നിന്നും കോടികൾ തട്ടിയെടുത്ത ശേഷം ഒളിവിൽ പോയ അനീഷ് ഉമ്മറിനെയാണ് മുണ്ടക്കയം പോലീസ് കോഴിക്കോട് നിന്നും പിടികൂടിയത്.
വിദ്യാർത്ഥികൾക്ക് വിസ വാഗ്ദാനം നൽകി കോടികൾ തട്ടിയ അനീഷ് ഉമ്മർ കോഴിക്കോട് ഒളിവിൽ കഴിയുന്നുണ്ടെന്ന രഹസ്യവിവരം മുണ്ടക്കയം സി.ഐ സജീവ് കുമാറിന് ലഭിച്ചിരുന്നു. ഈ വിവരത്തിന്റെ അടിസ്ഥാനത്തിൽ എസ്.ഐ സുനിലിന്റ നേതൃത്വത്തിൽ സി.പി.ഒ അരുൺ അജിത് എന്നിവരടങ്ങുന്ന അന്വേഷണ സംഘമാണ് കോഴിക്കോട്ടെത്തി പ്രതിയെ അതിവിദഗ്ധമായി വലയിലാക്കിയത്.
അറസ്റ്റ് ചെയ്ത പ്രതിയെ മുണ്ടക്കയം പോലീസ് സ്റ്റേഷനിൽ ഹാജരാക്കി. സംഭവത്തിൽ കൂടുതൽ പേർ തട്ടിപ്പിൽ കൂട്ട് നിന്നിട്ടുണ്ടോ എന്ന് പോലീസ് അന്വേഷിക്കുന്നുണ്ട്. പ്രതിക്കെതിരെയുള്ള നിയമപരമായ തുടർനടപടികൾ സ്വീകരിച്ചു വരികയാണെന്ന് പോലീസ് അറിയിച്ചു.
