മാലിന്യത്തില്നിന്നും അലങ്കാര വസ്തുക്കള് നിര്മ്മിക്കും ; ബ്ലോക്ക് പഞ്ചായത്ത്
കാഞ്ഞിരപ്പളളി : പാഴ്വസ്തുക്കളും, മാലിന്യങ്ങളും തെരുവിലും,പുഴകളിലും വലിച്ചെറിയുന്ന പ്ലാസ്റ്റിക്ക് വസ്തുക്കള് ഉള്പ്പടെയുളളവയെ വീടുകളിലെ അലങ്കാര വസ്തുക്കാളാക്കി മാറ്റുവാന് പദ്ധതി തയ്യാറാക്കുമെന്ന് ബ്ലോക്ക് പഞ്ചായത്ത് വൈസ് പ്രസിഡന്റ് ജോളി മടുക്കക്കുഴി അഭിപ്രായപ്പെട്ടു.കാഞ്ഞിരപ്പളളി സെന്റ് മേരീസ് ഹൈയര് സെക്കണ്ടറി കാഞ്ഞിരപ്പളളി സ്കൂളില് നടന്ന ബ്ലോക്ക് തല ശുചിത്വോത്സവത്തിന്റെ ഉല്ഘാടനം നിര്വ്വഹിക്കുകയായിരുന്നു അദ്ദേഹം.ആരോഗ്യ-വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്പേഴ്സണ് റ്റി.ജെ മോഹനന് അദ്ധ്യക്ഷത വഹിച്ച യോഗത്തില് ബി.ഡി.ഒ സജീഷ് എസ്, പ്രിന്സിപ്പാള് സിസ്റ്റര്.ധന്യ റോസ്, വനിതാക്ഷേ ഓഫീസര് പ്രശാന്ത് സി, ജനറല് എക്സ്റ്റഷന് ഓഫീസര് അജേഷ് കുമാര് കെ.എ ,റിസോഴ്സ് പേഴ്സണ് സജിമോന്, താലൂക്കിലെ പ്രധാനപ്പെട്ട സ്കൂളുകളായ സെന്റ് മേരീസ് ഗേള്സ് ഹൈയര് സെക്കണ്ടറി കാഞ്ഞിരപ്പളളി, ഗവ.ഹൈസ്കൂള് പേട്ട കാഞ്ഞിരപ്പളളി, ഗവ.ഹൈയര് സെക്കണ്ടറി സ്കൂള് ഇടക്കുന്നം, സെന്റ് തോമസ് സ്കൂള് എരുമേലി എന്നീ സ്കൂളുകളിലെ കുട്ടികള് പാഴ്വസ്തുകളില് നിന്നും വിവിധ കലാരൂപങ്ങള് തയ്യാറാക്കി എക്സിബിഷന് പ്രദര്ശിപ്പിച്ചു.ഏറ്റവും മികച്ച ആര്ട്ടുവര്ക്കിന് സെന്റ് മേരീസ് ഗേള്സ് ഹൈയര് സെക്കണ്ടറി സ്കൂളും, 2-ാം സ്ഥാനം ഗവ.ഹൈയര് സെക്കണ്ടറി സ്കൂള് ഇടക്കുന്നം,മൂന്നാം സ്ഥാനം ഗവ.ഹൈസ്കൂള് പേട്ട കാഞ്ഞിരപ്പളളി, എരുമേലി സെന്റ് തോമസ് ഹൈയര് സെക്കണ്ടറി സ്കൂളും പങ്കിട്ടെടുത്തു. തുടര്ന്ന് എന്റെ മാലിന്യം എന്റെ ഉത്തരവാദിത്വമാണെന്നും മാലിന്യങ്ങളും, പാഴ് വസ്തുക്കളും തെരുവിലും,പുഴകളിലും വലിച്ചെറിയാതെ നാടും,തോടും മനോഹരമാക്കേണ്ടതിന്റെ ആവശ്യകതയെക്കുറിച്ച് സെമിനാറും നടന്നു.
പടം അടിക്കുറിപ്പ്
കാഞ്ഞിരപ്പളളി ബ്ലോക്ക് തല ശുചിത്വോത്സവം ഉല്ഘാടനം ബ്ലോക്ക് പഞ്ചായത്ത് വൈസ് പ്രസിഡന്റ് ജോളി മടുക്കക്കുഴി ഉല്ഘാടനം ചെയ്യുന്നു.
