ആശാ ജോയി കോട്ടയം ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ

കോട്ടയം: ജില്ലാ പഞ്ചായത്ത് എരുമേലി ഡിവിഷൻ അംഗം ആശാ ജോയിയെ ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണായി തിരഞ്ഞെടുത്തു. കോട്ടയം ജില്ലാ പഞ്ചായത്തിൽ നടന്ന തിരഞ്ഞെടുപ്പിലൂടെയാണ് ആശാ ജോയി ഈ പദവിയിലേക്ക് എത്തിയത്.

മുമ്പ് കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റായി മികച്ച പ്രവർത്തനം കാഴ്ചവെച്ചിട്ടുള്ള ആശാ ജോയി നിലവിൽ അധ്യാപികയാണ്. കോൺഗ്രസ് പ്രസ്ഥാനത്തിന്റെ വിവിധ തലങ്ങളിൽ സജീവമായ അവർ, നിലവിൽ മഹിളാ കോൺഗ്രസ് കോട്ടയം ജില്ലാ ജനറൽ സെക്രട്ടറിയായി സേവനമനുഷ്ഠിക്കുന്നു.

മഹിളാ കോൺഗ്രസ് പൂഞ്ഞാർ നിയോജക മണ്ഡലം മുൻ പ്രസിഡന്റ്, മുണ്ടക്കയം ബ്ലോക്ക് കോൺഗ്രസ് ജനറൽ സെക്രട്ടറി എന്നീ നിലകളിലും അവർ പ്രവർത്തിച്ചിട്ടുണ്ട്. ചേനപ്പാടി കണ്ടത്തിൽ റ്റെഡി കെ. ജേക്കബാണ് ഭർത്താവ്. എനോക്ക്, നയോമി (ഇരുവരും കാഞ്ഞിരപ്പള്ളി എ.കെ.ജെ.എം സ്കൂൾ വിദ്യാർത്ഥികൾ) എന്നിവർ മക്കളാണ്.