വീടിന്റെ മുകളിൽനിന്ന് വീണ് കാഞ്ഞിരപ്പള്ളി അഞ്ചിലിപ്പ സ്വദേശി മരിച്ചു

വീടിന്റെ മുകളിൽനിന്ന് വീണ് കാഞ്ഞിരപ്പള്ളി അഞ്ചിലിപ്പ സ്വദേശി തേവർകാട്ടിൽ ശ്രീകുമാർ (മുരുകൻ – 56) മരിച്ചു. ചെങ്കൽ ഈറ്റത്തോട്ടത്തിൽ നിർമ്മാണത്തിൽ ഇരിക്കുന്ന ബിനീഷിന്റെ വീടിന്റെ രണ്ടാം നിലയിൽനിന്ന് കാൽ തെറ്റി വീണത്

തിങ്കളാഴ്ച വൈകുന്നേരമാണ് ശ്രീകുമാർ ബിനീഷിന്റെ വീടിന്റെ നിർമ്മാണ പ്രവർത്തനങ്ങൾക്കായി വീട്ടിലെത്തിയത്. ചൊവ്വാഴ്ച രാവിലെ മറ്റ് ജോലിക്കാർ എത്തിയപ്പോഴാണ് ശ്രീകുമാറിനെ വീടിന്റെ മുറ്റത്ത് മരിച്ച നിലയിൽ കണ്ടെത്തിയത്. ഉടൻ തന്നെ അധികൃതരെ വിവരമറിയിക്കുകയും നടപടികൾ സ്വീകരിക്കുകയും ചെയ്തു.

മൃതദേഹം ആശുപത്രിയിൽ എത്തിച്ച് പോസ്റ്റ്മോർട്ടം നടപടികൾ പൂർത്തിയാക്കി ബന്ധുക്കൾക്ക് വിട്ടുനൽകി.

• ഭാര്യ: ബിജി.

• മക്കൾ: അച്ചു, അമ്മു.

• സംസ്കാരം: ഇന്ന് ഉച്ചകഴിഞ്ഞ് 2.30-ന് സ്വന്തം വീട്ടുവളപ്പിൽ നടക്കും.