ട്വന്റി-ട്വന്റിയിൽ വൻ വിള്ളൽ; കുറുവാമുഴിയിലെ മുഴുവൻ പ്രവർത്തകരും കോൺഗ്രസിൽ ചേർന്നു

എരുമേലി: ട്വന്റി-ട്വന്റി പാർട്ടി ബിജെപി നേതൃത്വം നൽകുന്ന എൻഡിഎ (NDA) മുന്നണിയിൽ ചേർന്നതിൽ പ്രതിഷേധിച്ച് എരുമേലി കുറുവാമുഴിയിലെ മുഴുവൻ പ്രവർത്തകരും പാർട്ടി വിട്ട് കോൺഗ്രസിൽ ചേർന്നു. സജി ചെറിയാൻ പാഴൂരിന്റെ നേതൃത്വത്തിലാണ് പ്രവർത്തകർ കോൺഗ്രസ് അംഗത്വം സ്വീകരിച്ചത്.

അരാഷ്ട്രീയ വാദമുയർത്തി വന്ന ട്വന്റി-ട്വന്റി ഇപ്പോൾ ബിജെപിയുമായി സഖ്യമുണ്ടാക്കിയത് തങ്ങൾക്ക് അംഗീകരിക്കാനാവില്ലെന്ന് പ്രവർത്തകർ വ്യക്തമാക്കി. പ്രതിപക്ഷ നേതാവ് വി ഡി സതീശൻ നയിക്കുന്ന ‘പുതുയുഗ യാത്ര’ കോട്ടയം ജില്ലയിലേക്ക് പ്രവേശിക്കാനിരിക്കെ, കുറുവാമുഴിയിലെ ഈ കൂടുമാറ്റം കോൺഗ്രസ് ക്യാമ്പുകളിൽ വലിയ ആവേശം പകർന്നിരിക്കുകയാണ്.

സ്വീകരണം

കോൺഗ്രസിൽ ചേർന്നവർക്ക് കുറുവാമുഴിയിൽ വെച്ച് സ്വീകരണം നൽകി. ഡിസിസി ജനറൽ സെക്രട്ടറി പ്രൊഫ. റോണി കെ ബേബി, ബ്ലോക്ക് കോൺഗ്രസ് ജനറൽ സെക്രട്ടറി അബ്ദുൽ ഫത്താഹ്, മണ്ഡലം പ്രസിഡന്റ് ബിജു പത്യാല എന്നിവർ ചേർന്ന് പുതിയ പ്രവർത്തകരെ സ്വീകരിച്ചു.