‘കാർഡിയോകോൺ 2026’ കാരിത്താസ് ഹോസ്പിറ്റലിൽ വിജയകരമായി സമാപിച്ചു; 140-ഓളം വിദഗ്ധർ പങ്കെടുത്തു

കോട്ടയം: ഹൃദയസംബന്ധമായ ചികിത്സാരംഗത്തെ നൂതന പ്രവണതകളും വെല്ലുവിളികളും ചർച്ച ചെയ്തുകൊണ്ട് കാരിത്താസ് ഹോസ്പിറ്റലിലെ കാർഡിയോളജി വിഭാഗത്തിന്റെ ആഭിമുഖ്യത്തിൽ സംഘടിപ്പിച്ച മെഡിക്കൽ കോൺക്ലേവ് ‘കാർഡിയോകോൺ 2026’ വിജയകരമായി സമാപിച്ചു. കേരളത്തിന്റെ വിവിധ ഭാഗങ്ങളിൽ നിന്നുള്ള 140-ഓളം ഡോക്ടർമാരും മെഡിക്കൽ വിദ്യാർത്ഥികളും ഈ വിജ്ഞാനപ്രദമായ സംഗമത്തിൽ പങ്കാളികളായി.

നേതൃത്വം നൽകിയ പ്രമുഖർ

കോൺക്ലേവിന്റെ ഔദ്യോഗിക ചടങ്ങിൽ കാരിത്താസ് ഹോസ്പിറ്റൽ ജോയിന്റ് ഡയറക്ടർ (ഓപ്പറേഷൻസ്) റവ. ഫാ. ജോയിസ് നന്ദികുന്നേൽ അധ്യക്ഷത വഹിച്ചു. മെഡിക്കൽ രംഗത്തെ പ്രമുഖരായ താഴെ പറയുന്നവർ പരിപാടിക്ക് നേതൃത്വം നൽകി:

• ഡോ. ബോബി എൻ. എബ്രഹാം (മെഡിക്കൽ ഡയറക്ടർ)

• ഡോ. ജോണി ജോസഫ് (കാർഡിയോളജി വിഭാഗം മേധാവി)

• ഡോ. ദീപക് ഡേവിഡ്സൺ (ഓർഗനൈസിംഗ് ചെയർപേഴ്സൺ)

• ഡോ. ജോബി കെ. തോമസ് (സെക്രട്ടറി)

• ഡോ. വിഷ്ണു എസ്.

പ്രധാന സെഷനുകൾ

ഹൃദയാരോഗ്യ രംഗത്തെ വിദഗ്ധരായ ഡോക്ടർമാർ വിവിധ സെഷനുകൾക്ക് നേതൃത്വം നൽകുകയും പ്രബന്ധങ്ങൾ അവതരിപ്പിക്കുകയും ചെയ്തു. ഡോ. ഗൗതം രാജൻ, ഡോ. വിഷ്ണു എസ്., ഡോ. ജക്കോ അനി ബാബു, ഡോ. ശ്രീനാഥ് ആർ., ഡോ. വി. എൽ. ജയപ്രകാശ്, ഡോ. റൈഹാനത്തുൽ മിസിരിയ, ഡോ. കപിൽ രാജേന്ദ്രൻ, ഡോ. ദീപക് ഡേവിഡ്സൺ, ഡോ. പി. ആർ. ഭീമ ശങ്കർ, ഡോ. ജോസഫ് സെബാസ്റ്റ്യൻ, ഡോ. ജെയിംസ് തോമസ്, ഡോ. തോമസ് ജോർജ്, ഡോ. സാജൻ അഹമ്മദ് എന്നിവർ സംസാരിച്ചു.

ഹൃദ്രോഗ ചികിത്സയിലെ അത്യാധുനിക സാങ്കേതിക വിദ്യകളും രോഗീ പരിചരണത്തിലെ പുത്തൻ രീതികളും കോൺക്ലേവിൽ വിശദമായ ചർച്ചയ്ക്ക് വിധേയമായി. മെഡിക്കൽ മേഖലയിലെ അറിവുകൾ പങ്കുവെക്കാനും പുതിയ ഗവേഷണങ്ങളെക്കുറിച്ച് സംവദിക്കാനും ‘കാർഡിയോകോൺ 2026’ മികച്ച വേദിയൊരുക്കി.