ഹോം സ്റ്റേയിലെ കുളത്തില് നിന്ന് മൃതദേഹം കണ്ടെത്തി. മുണ്ടക്കയം പുലിക്കുന്ന് സ്വദേശി ശ്രീദേവി ഭവനില് വി.സന്തോഷ് കുമാർ
കരിക്കാട്ടൂരിന് സമീപം ഹോം സ്റ്റേയിലെ കുളത്തില് നിന്ന് മൃതദേഹം കണ്ടെത്തി. മുണ്ടക്കയം പുലിക്കുന്ന് സ്വദേശി ശ്രീദേവി ഭവനില് വി.
സന്തോഷ് കുമാർ (49) ആണ് മരിച്ചത്.
കഴിഞ്ഞ ദിവസം ഹോംസ്റ്റേയില് നടന്നൊരു ചടങ്ങില് പങ്കെടുക്കാൻ എത്തിയതായിരുന്നു ഇദ്ദേഹം. തിങ്കളാഴ്ച രാവിലെ ഹോം സ്റ്റേ ഉടമയ്ക്ക് കുളത്തിന്റെ പരിസരത്തുനിന്നും ഒരു മൊബൈല് ഫോണ് ലഭിച്ചു. ഫോണ് സന്തോഷിന്റേതാണെന്ന് തിരിച്ചറിഞ്ഞതോടെ മണിമല പോലീസില് വിവരമറിയിച്ചു.
തുടർന്ന് നടത്തിയ അന്വേഷണത്തിലാണ് മൃതദേഹം കുളത്തില്നിന്ന് കണ്ടെത്തിയത്. കാഞ്ഞിരപ്പള്ളി ഫയർഫോഴ്സ് എത്തി മൃതദേഹം പുറത്തെടുത്തു. രാത്രി കാല്വഴുതി കുളത്തില് വീണതാകാമെന്നാണ് പ്രാഥമിക നിഗമനം.
Make a news
