മോഷ്ടിച്ച ബൈക്കില് പെൺ സുഹൃത്തിനെ കാണാനെത്തിയ കാഞ്ഞിരപ്പള്ളി സ്വദേശികൾ പിടിയില്
മോഷ്ടിച്ച ബൈക്കില് പെണ് സുഹൃത്തിനെ കാണാനെത്തിയ യുവാക്കള് കുറ്റിപ്പുറത്ത് വച്ച് പിടിയില്. കോട്ടയം കാഞ്ഞിരപ്പള്ളി സ്വദേശികളായ അജ്മല് ഷാജഹാൻ (25), സുഹൃത്ത് ശ്രീജിത്ത്(19) എന്നിവരാണ് പിടിയിലായത്.കുറ്റിപ്പുറം പോലീസാണ് പ്രതികളെ പിടികൂടിയത്.
കുറ്റിപ്പുറത്ത് പോലീസിന്റെ വാഹന പരിശോധനയ്ക്കിടയിലാണ് സംഭവം. കോട്ടയം സ്വദേശികളായ യുവാക്കളുടെ പക്കല് വാഹനത്തിന്റെ യാതൊരു രേഖയും ഉണ്ടായിരുന്നില്ല. ഇവരെ സംശയം തോന്നി പോലീസ് ചോദ്യം ചെയ്തപ്പോഴാണ് പെണ്സുഹൃത്തിനെ കാണാൻ വന്നതാണെന്ന് മൊഴി നല്കിയത്.
വാഹനത്തിൻ്റെ രേഖകള് സംബന്ധിച്ച പരിശോധനയില് ഇത് എറണാകുളത്ത് നിന്ന് മോഷ്ടിക്കപ്പെട്ടതാണെന്ന് മനസിലായതോടെ പ്രതികളെ പോലീസ് അറസ്റ്റ് ചെയ്യുകയായിരുന്നു
