മുഹറം അവധി തിങ്കളാഴ്ച?: സർക്കാർ തീരുമാനം ഉണ്ടായേക്കും: സ്കൂള് വിദ്യാർത്ഥികളും പ്രതീക്ഷയില്
ഇസ്ലാമിക വിശ്വാസ പ്രകാരം വലിയ പ്രത്യേകതയുള്ള ദിവസമാണ് മുഹറം പത്ത്. സ്വേഛാധിപതിയായിരുന്ന ഫറോവയുടെ പീഡനങ്ങളില് നിന്ന് മൂസാന നബിയിലും അനുയായികളും രക്ഷപ്പെട്ട ദിവസം എന്നതാണ് മുഹറം പത്തിന്റെ ഏറ്റവും വലിയ പ്രത്യേകത. ഇതിനോടുള്ള നന്ദി സൂചകമായി ലോക മുസ്ലിംകള് അല്ലാഹുവിനായി ഈ ദിനത്തില് വ്രതമനുഷ്ഠിച്ച് ആചരിക്കുന്നു.
ഇസ്ലാമിക കലണ്ടർ പ്രകാരം ആദ്യത്തെ മാസം കൂടിയാണ് മുഹറം. നാല് പുണ്യമാസങ്ങളിൽ രണ്ടാമത്തെ മാസവുമായും മുഹറത്തെ കണക്കാക്കുന്നു. മുഹറം പത്തിനോടൊപ്പം തന്നെ 9 ന് വലിയ വിശ്വാസപരമായി വലിയ പ്രധാന്യമാണുള്ളത്. സുന്നി, ഷിയാ വിശ്വാസികള്ക്ക് ഇടയില് മുഹറം പത്തിലെ ആചാരവുമായി ബന്ധപ്പെട്ട വലിയ വ്യത്യാസങ്ങളും നിലനില്ക്കുന്നു
കേരളത്തിലെ സർക്കാർ നിശ്ചയപ്രകാരം മുഹറം പത്ത് പൊതു അവധിയാണ്. നേരത്തെ തയ്യാറാക്കിയ കലണ്ടർ പ്രകാരം ജുലൈ 6 ഞായറാഴ്ചയാണ് മുഹറം അവധിയായി പ്രഖ്യാപിച്ചിരിക്കുന്നത്. എന്നാല് ഇസ്ലാമിക കലണ്ടർ ചന്ദ്രമാസപ്പിറവി പ്രകാരം കണക്കാകുന്നതിലാണ് ഈ വർഷം മുഹറം പത്ത് വരുന്നത് ജുലൈ 7 തിങ്കളാഴ്ചയാണ്.
