ലോറിയും ബൈക്കും കൂട്ടിയിടിച്ച് അപകടം. കാഞ്ഞിരപ്പള്ളി സ്വദേശിയായ യുവാവ് മരണപെട്ടു ; എരുമേലി സ്വദേശിയായ യുവാവ് ഗുരുതരാവസ്ഥയിൽ മെഡിക്കൽ കോളേജ് ആശുപത്രിയിൽ..
കാഞ്ഞിരപ്പള്ളി : പിറവം അമ്പലപ്പടിയിൽ ലോറിയും ബൈക്കും കൂട്ടിയിടിച്ച് അപകടത്തിൽ ബൈക്ക് യാത്രക്കാരിൽ ഒരാൾ മരണപ്പെട്ടു, ഒരാൾ ഗുരുതരാവസ്ഥയിൽ.
ഇന്ന് രാവിലെ എഴുമണിയോട് കൂടിയാണ് അപകടം നടന്നത് . എറണാകുളം ഭാഗത്തു നിന്നും ഗ്ലാസ് കയറ്റിവന്ന വന്ന ഐഷർ ലോറിയിൽ, പിറവം ഭാഗത്തു നിന്നും വന്ന കാറിനെ വളവിൽ ഓവർ ടേക്ക് ചെയ്തു കയറിവന്ന ബൈക്ക് ഇടിക്കുകയായിരുന്നു . അപകടത്തിൽ ഗുരുതമായി പരിക്കേറ്റ കാഞ്ഞിരപ്പള്ളി പുളിമാവ് കൊന്നയ്ക്കൽ വീട്ടിൽ ആൽബിൻ അലക്സ് ( 24 ) തൽക്ഷണം മരണപെട്ടു. ബൈക്കിൽ ഒപ്പം ഉണ്ടായിരുന്ന എരുമേലി ചരുവിൽ വീട്ടിൽ 23 വയസ്സുള്ള എബിനെ ഗുരുതരാവസ്ഥയിൽ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു .
