ഡോ. ആൻ്റണി കല്ലമ്പള്ളിക്ക് പ്രഥമ ‘എക്സലൻ്റ് എഡ്യുക്കേഷണലിസ്റ്റ്’ പുരസ്കാരം

പെരുവന്താനം: പ്രമുഖ വിദ്യാഭ്യാസ വിചക്ഷണനും എഴുത്തുകാരനും മോട്ടിവേഷണൽ സ്പീക്കറുമായ ഡോ. ആൻ്റണി കല്ലമ്പള്ളിക്ക് ഓവർസീസ് ബിസിനസ് കൊമേഴ്സ് ആൻഡ് പ്രൊഫഷണൽ ഫോറം ഏർപ്പെടുത്തിയ പ്രഥമ ‘എക്സലൻ്റ് എഡ്യുക്കേഷണലിസ്റ്റ് പുരസ്കാരം’ സമ്മാനിച്ചു. പെരുവന്താനം സെൻ്റ് ആൻ്റണിസ് കോളേജ് പ്രിൻസിപ്പലായ അദ്ദേഹം കരിയർ ഗുരു എന്ന നിലയിലും ശ്രദ്ധേയനാണ്.

കോളേജ് ചെയർമാൻ ബെന്നി തോമസിൻ്റെ അധ്യക്ഷതയിൽ ചേർന്ന പ്രൗഢഗംഭീരമായ ചടങ്ങിൽ വെച്ച് മാർ ജേക്കബ് മുരിക്കൻ പുരസ്കാര സമർപ്പണം നിർവഹിച്ചു. പ്രശസ്തി പത്രവും മെമൻ്റോയും അവാർഡ് തുകയുമാണ് പുരസ്കാരമായി നൽകിയത്. ഓവർസീസ് ബിസിനസ് കൊമേഴ്സ് ആൻഡ് പ്രൊഫഷണൽ ഫോറം ഭാരവാഹികളായ ശ്രീരേഖ എ.കെ., അക്ഷയ മോഹൻ ദാസ്, നവാസ് എ.എ. എന്നിവർ ചടങ്ങിൽ സംബന്ധിച്ചു.

വിദ്യാഭ്യാസ മേഖലയിൽ അദ്ദേഹം നൽകി വരുന്ന സമഗ്രമായ സംഭാവനകളെ പരിഗണിച്ചാണ് ഈ പുരസ്കാരം നൽകിയത്. ചടങ്ങിൽ പ്രമുഖ വ്യക്തിത്വങ്ങൾ ആശംസകൾ നേർന്നു:

• ഫാ. രാജേഷ് പുല്ലാന്തനാൽ (പ്രിൻസിപ്പൽ, ഓശാനം സ്കൂൾ)

• ഫാ. മനു കിളികൊത്തിപ്പാറ (പ്രിൻസിപ്പൽ, സെൻ്റ് ജോർജ് സ്കൂൾ, കോരുത്തോട്)

• സി. രമ്യ (പ്രിൻസിപ്പൽ, സെൻ്റ് ജോസഫ് സ്കൂൾ, വണ്ടിപ്പെരിയാർ)

• ജോയി വെട്ടിക്കുഴി (മുൻസിപ്പൽ ചെയർപേഴ്സൺ, കട്ടപ്പന)

കൂടാതെ സെക്രട്ടറി ടിജോമോൻ ജേക്കബ്, ജോസ് ആൻ്റണി, വൈസ് പ്രിൻസിപ്പൽമാരായ സുപർണ രാജു, രതീഷ് പി.ആർ., ബോബി കെ. മാത്യു, അഞ്ജലി ആർ. നായർ എന്നിവരും സമ്മേളനത്തിൽ സംസാരിച്ചു.