പീഡാനുഭവങ്ങൾക്കും കഷ്ടപ്പാടുകൾക്കും അപ്പുറം പ്രകാശപൂർണ്ണമായ ഒരു പുനരുത്ഥാനമുണ്ടെന്ന മഹത്തായ സന്ദേശവുമായി ഈസ്റ്റർ; ഏവർക്കും കേരള ടുഡേ ന്യൂസിൻ്റെ ആശംസകൾ

തിരുവനന്തപുരം: പീഡാനുഭവങ്ങൾക്കും കഷ്ടപ്പാടുകൾക്കും അപ്പുറം പ്രകാശപൂർണ്ണമായ ഒരു പുനരുത്ഥാനമുണ്ടെന്ന മഹത്തായ സന്ദേശവുമായി ലോകമെമ്പാടുമുള്ള വിശ്വാസികൾ ഇന്ന് ഈസ്റ്റർ ആഘോഷിക്കുന്നു. നഷ്ടങ്ങളെക്കുറിച്ചുള്ള സങ്കടങ്ങൾക്കിടയിലും പ്രതീക്ഷിക്കാതെ തേടിയെത്തുന്ന നന്മകളാണ് ജീവിതമെന്ന തിരിച്ചറിവാണ് ഓരോ ഈസ്റ്റർ ദിനവും നമുക്ക് പകരുന്നത്.

കുരിശുമരണത്തിന് മേൽ ജീവൻ നേടിയ വിജയത്തിൻ്റെ പ്രതീകമാണ് ഈസ്റ്റർ. ജീവിതത്തിൽ പ്രതിസന്ധികളും പീഡാനുഭവങ്ങളും നേരിടുന്ന ഏതൊരാൾക്കും മുന്നിൽ ഒരു ഉയർത്തെഴുന്നേൽപ്പ് ഉറപ്പായും ഉണ്ടെന്ന വലിയ പ്രത്യാശയാണ് ഈ ദിനം മുന്നോട്ട് വെക്കുന്നത്. ഇരുളിന് ശേഷം വെളിച്ചവും, ദുഃഖത്തിന് ശേഷം സന്തോഷവും വരുമെന്ന പ്രകൃതിനിയമം ഈസ്റ്റർ ആഘോഷങ്ങളിലൂടെ വിളംബരം ചെയ്യപ്പെടുന്നു.

സമത്വത്തിൻ്റെയും സമാധാനത്തിൻ്റെയും പുതിയൊരു പുലരിക്കായി നമുക്ക് കൈകോർക്കാം. വായനക്കാരായ നിങ്ങൾ ഓരോരുത്തരുടെയും ജീവിതത്തിൽ ഈ ഈസ്റ്റർ ദിനവും വരും നാളുകളും നന്മ നിറഞ്ഞതാവട്ടെ എന്ന് കേരള ടുഡേ ന്യൂസ് ആശംസിക്കുന്നു. എല്ലാവർക്കും ഹൃദയം നിറഞ്ഞ ഈസ്റ്റർ ആശംസകൾ!