എരുമേലിയില് വിദ്യാര്ഥിനിയുള്പ്പടെ അഞ്ച് പേര്ക്ക് നേരെ തെരുവ് നായ ആക്രമണം
എരുമേലി വെച്ചുച്ചിറയില് സ്കൂള് വിദ്യാർഥിനിയെയടക്കം അഞ്ച് പേരെ തെരുവുനായ അക്രമിച്ചു. വെച്ചൂച്ചിറ സിഎംഎസ് സ്കൂളിന് സമീപമാണ് തെരുവുനായ അക്രമണമുണ്ടായത്.വിദ്യാർഥികള് ട്യൂഷന് പോകും വഴിയായിരുന്നു അക്രമണം.
കുട്ടികളെ അക്രമിച്ച ശേഷം കടയുടെ പുറത്ത് നില്ക്കുകയായിരുന്ന വ്യാപാരിയെയും നായ അക്രമിച്ചു. വഴിയേ ബൈക്കില് പോയ എരുമേലി തുമരംപാറ സ്വദേശികളായ രണ്ട് പേരെയും നായ പിന്നീട് കടിച്ചു.
പരിക്കേറ്റവരില് രണ്ടു പേരെ കാഞ്ഞിരപ്പള്ളി ജനറല് ആശുപത്രിയിലും തുടർന്ന് കോട്ടയം മെഡിക്കല് കോളജ് ആശുപത്രിയിലേയ്ക്കും മാറ്റി. ബാക്കിയുള്ളവർ വിവിധ സ്വകാര്യ ആശുപത്രികളിലടക്കം ചികിത്സ തേടി.
